Kristen guilty gihapon

CEBU, Philippines - Bisan pa man nga nagkauli na sila ni Robert Pattinson, gibati gihapon karon sa  Hollywood actress nga si Kristen Stewart ang pagka-guilty kalabot sa pagtraydor niya kaniadto sa iyang boyfriend.

Suma pa sa report nga bisan sa giatubang nila nga mga isyu, padayon gihapon nga nagkuyog sila si Robert ug Kristen sa pagsulbad sa ilang mga problema bisan paman nga ang usa lang ka habig ang dunay sala.

Giingong dili gihapon komportable si Kristen gumikan kay dako ang iyang pagtoo nga naglagot gihapon kaniya ang kadaghanan sa mga tawo gumikan sa iyang pagpangabit.

"She still thinks the world hates her. It's hard to resume a relationship after something like that," suma pa sa usa ka tinubdan.

BB: Wala ko malain

Gibutyag ni  BB Gandanghari nga wala siya malain nga wala siya kadawat og imbitasyon sa kasal sa iyang kanhi misis nga si Carmina Villaroel ug Zoren Legaspi.

Suma pa ni BB nga malipayon siya sa bag-ong magtiayon , gani nakaingon siya nga hagbay ra gyud unta kini nga gibuhat sa duha.

Giangkon usab niya nga nakugang siya sa dihang nahibaw-an niya ang surpresang kasal nila ni Carmina ug Zoren sa miaging semana.

Aminado si BB nga parte na sa iyang kasaysayan si Carmina sanglit nahimo kini nga espesyal sa iyang kinabuhi sa dihang nagpakasal sila niadtong 1994 apan nagbuwag ra usab human sa duha ka tuig nga panag-uban.

Kahinumduman nga giangkon ni BB ang iyang pagkabayot niadtong 2009 pinaagi sa reality show sa ABS-CBN nga Pinoy Big Brother.