TV host, pinagtatawanan pag kinakarma!
MANILA, Philippines - Karma ang tawag ng isang beterano na sa showbiz sa nangyari noon sa isang kilala na ngayong TV host.
Karma dahil nagmaldita na raw ito sa kanila nang medyo nagkapangalan. Kaya nang magkaroon ito ng aksidente, hindi kinaawaan kundi pinagtawanan at ikinatuwa pa ng mga taong nakapaligid sa kanya.
Actually maraming galit sa TV host na ito dahil nga grabeng mag-attitude. Parang ito na raw ang reyna kung kumilos kaya maraming naiinis at natutuwa kapag may nangyayaring hindi maganda.
Visible si TV host. ‘Yun nga lang iilan ang kaibigan dahil sa magaspang niyang ugali.
KANTA… NI MARVIN NEXT YEAR PA EERE
Nagkaroon ng chance na kumanta na agad ang ilang finalist na sasabak sa Kanta Pilipinas ng TV5 na si Marvin Agustin ang producer. Isinabay na ito sa presscon ni Marvin as Knorr Celebrity Chef endorser kahapon.
First week of February pa next year eere ang Kanta Pilipinas na naudlot nang unahin ng TV5 ang Artista Academy na by the way ay mga umapir din sa nasabing presscon ang mga scholars ng AA.
Anyway, kasama na ng actor sa pagpo-promote ng Knorr ang kanyang mommy Maria Teresa na kanyang inspirasyon sa kanyang mga ginagawa. At bilang patunay magbubukas siya ng first Filipino family restaurant bilang tribute sa kanyang ina. “The Kitchen has bonded me and my mom in unexpected ways, and I am thankful that Knorr has given me this chance to share a part of myself to every mother in the country,” sabi ng accomplished restaurateur-chef-actor. “Together with Knorr, we will provide modern-day Filipino families with dishes the respond to their needs, while making their cooking experience fulfilling, pleasurable and enriching,” sabi ng actor.
Bukod sa pagiging chef at may-ari ng restaurant, hinaharap din naman niya ang kanyang career.
Bukod sa Kanta Pilipinas, magho-host uli siya sa Artista Academy Tweens at isang serye sa TV5 pa rin.
May offer din naman sa kanya ang Viva na pelikula pero inaayos pa raw.
REGAL IISA ANG PELIKULA SA MMFF
Parang Pasko na ang ambiance sa showbiz. Kahapon ay nagkaroon ng presscon ang Metro Manila Film Festival (MMFF) at nag-imbita ng Metro Manila Development Authority (MMDA) ng representative ng walong pelikulang kasali.
Kaya naman, hindi lang Pasko, kundi para ring fiesta ang nasabing event.
Wala nang nabago sa mga pelikulang kasali – The Strangers (Quantum Films) starring Enrique Gil, Enchong Dee, JM de Guzman and Julia Montes; Sa ‘Yong Sinapupunan (The Womb) (Center Stage Productions and Solar Entertainment) starring Bembol Rocco, Nora Aunor and Lovi Poe; Sisteraka (ABS-CBN Film Productions Inc. and Viva Communications Inc.) starring Vice Ganda and Kris Aquino (wala pa sa info sheet ng MMFF na bida na rin si AiAi delas Alas); One More Try (ABS-CBN Film Productions) starring Dingdong Dantes, Zanjoe Marrudo, Angel Locsin and Angelica Panganiban, Si Agimat; Si Enteng Kabisote at Ako (OctoArts Films, M-Zet Productions, Imus Productions, APT Ent., GMA Films) starring Vic Sotto, Bong Revilla and Judy Ann Santos; Sossy Problems (GMA Network Films) starring Roderick Paulate, Mikael Daez, Aljur Abrenica, Robert Arevalo, Solenn Heussaff, Maxene Magalona, Isabelle Daza and Bianca King and Shake, Rattle and Roll 14 (Regal Entertainment Inc.) starring Vhong Navarro, Dennis Trillo, Paulo Avelino, Herbert Bautista, Lovi Poe and Janice de Belen.
Iisa lang ang fantasy this year, ang Agimat at dalawa ang horror, Strangers and Shake.
At iisa lang din this year ang entry ng Regal Films ni Mother Lily Monteverde.
Meron namang five official entries sa New Wave section full-length kung saan ang mga kalahok na magwawagi ng P300,000 ay ang Ad Ignoratium nina Kristoffer King at Ina Feleo; Gayak nina Allan Paule at Sef Cadayona; In Nomine Matris nina Liza Dino at Biboy Ramirez; Paglaya sa Tanikala ni Matteo Guidicelli; at The Grave Bandits ng ’di kilalang sina Marti Sandino San Juan, Ronald Pacifico, at Jill Palencia.
- Latest
