GMA-7 vs. ABS-CBN Christmas Station I.D.

CEBU, Philippines - VATSKI: Maayong adlaw, Gar, ug sa tanang mga loyalista sa Banatanay. Hapit na gyud ang Pasko uy, di na mabangbang, moabot na gyud siya. Ako unyang pinaskuhan, Gar, hap! Hahaha! Anyway, speaking of Pasko, nanglugwa na ang mga Christmas plug sa mga dagkong network. Murag gauna ang ABS-CBN ani. Ug kay nakuryuso gyud ko maong gitan-aw nako, and wa ra ko nalipay as usual. Meaning, bati ilang gihimo, pareha ras mga niaging tuig, dry. Layo ra kaayo sa GMA7 nga “Walang Imposible Sa Pasko ng Kapuso, nga ma-feel gyud nimo ang Pasko, makahilak pa gani ka kay apil man gyud ang ordinaryo nga mga tawo.

GARRY: Padayon ang pag-suporta para sa atong higalang Marlon Belleta kinsa karon anaa pa sa ICU. Ato usab iapil sa pag-ampo ang lain pa natong kauban sa buhat nga si Bong Soriano nga may gihambin pud nga balatian.

Hapit na gyud na mapupos ang 2012 ug mo-welcome na usab kita sa 2013. Hinungdan, Vatski, left and right ang preparation for Christmas apil na ang panindota’y sa ilang station ID tali sa ABS-CBN ug GMA.

“Magliliwanag ang Mundo sa Kwento ng Pasko” mao ni ang Christmas Station ID sa ABS CBN Kapamilya network. Sa akong nahibaw-an, Vatski, miabot na og hapit usa ka million ang mi-view human gi-upload kini sa YouTube.

Another milestone from ABS CBN. Hahaaaayy, Vatski, sayang lang gyud ang production ani nila kay naa napud mag-copy cat niini. In terms of quality, kapamilya talaga!

VATSKI: Ambot lang sad, Gar, basta mao gyud na akong ikasulti, sa way pagdapig. Wala man pud ko suholi sa GMA no, ako lang gyud nang nabantayan over the years nga maglabi ra gyud ang grandiose ug mga artista sa ABS-CBN, whereas sa GMA, naa gyuy kasing-kasing, “Kapuso” gyud. Anyway, happy belated 2nd birthday ni MC (Nov. 11), anak sa atong kauban diri nga si Caecent Noot-Magsumbol.

GARRY: Ambot unsa kaha ang “Walang Imposible Sa Pasko ng Kapuso,” wala gyud nako ma-feel ilang kanta uy unlike sa ABS nga the song is very passionate mahitungod sa pagtabang sa mga Pinoy panahon sa katalagman nga atong nasinati sama sa typhoons, floods, earthquake, landslide. Naa gyud dating ilang station ID kay maka-relate gyud ta bah. Amazing performance gyud gikan sa kapamilya singers, actresses, actors, ug sa tanang staffs. Kudos!

Pangutana: Kinsa man gyuy mas nindot og Christmas Station I.D. tali sa ABS-CBN ug GMA-7 kun kamoy pangutan-on? Ngano man? Ipabuhagay ang imong opinyon, pinaagi sa pagtext niini, dungan sa imong ngalan ug address ngadto sa: 0917-904-7513. Kutob lamang karong udto (12 noon, November 12), ang pagdawat nato sa inyong mga mensahe. Puwes, go go go na!