International sensation Marie Digby, myx celebrity vj ngayong nobyembre

MANILA, Philippines - Ang half-Japanese, half-Irish American singer na si Marie Digby ang mangunguna sa MYX ngayong buwan bilang celebrity VJ. Nakilala dahil sa mga awitin niya sa YouTube, ‘di na maipagkakaila na isa si Digby sa mga kinikilalang mang-aawit sa buong mundo. Ang kanyang rendisyon ng awitin ni Rihanna na Umbrella ang nagpasikat sa kanya nang umabot ito sa 20 million views. Sa ngayon, mayroong higit sa 290,000 subscribers at 120 million views ang videos ni Digby sa YouTube. Nakapaglabas na siya ng tatlong album, isa rito ay Japanese at nakatakda niyang ilabas ang pang-apat na album niya ngayong taon. Pusong Pilipina, dito sa bansa inilabas ni Digby ang pinakabago niyang album na Your Love sa ilalim ng Star Records. Nilalaman ng album ang cover ng awitin ni Kuh Ledesma na I Think I’m in Love at tampok din dito sina Sam Milby at Jericho Rosales. Kilalaning mabuti si Marie Digby sa MYX: November 7 – 10 sa  Pop MYX, November 11 – 17 sa Pinoy MYX, November 18 – 24 sa My MYX at November 25 – 30 sa Mellow MYX. Para sa mga updates, mag log on sa www.myxph.comat i-download ang MYX Charts iOS mula sa App Store ng libre.