Europe ang next target

CEBU, Philippines - Dakong garbo alang sa  Pinoy transgender nga si Kevin Balot nga mahimong representante sa Pilipinas alang sa usa ka indigay.

Si Kevin maoy gikoronahan isip  Miss International Queen 2012  nga gipahigayon sa miaging gabii didto sa Pattaya, Thailand.

Gilampaso ni Kevin  ang 20  ka mga pambato  gikan sa laing mga nasud  . Gawas sa titulo, nakabitbit usab si Kevin og $10,000 nga cash prize..

Human nakadaug didto sa  sa Thailand, target na usab karon ni Kevin nga motikang sa Europe aron mosalmot na usab og laing indigay.

Ang  transgender beauties gikan sa Korea, USA, Mexico, Japan ug  Thailand maoy mga  nasud nga nakaangkon usab kaniadto og titulo sa maong beauty pageant.

Katrina mihatag og kondisyon?

Kasamtangang gipilian  karon sa GMA-7 ang mahimong pilot episode sa pagbalik sa programang Magpakailanman.

Suma pa nga usa sa gipilian mao ang life story sa aktres nga si Katrina Halili.

Apan miulbo ang mga istorya nga nagka-problema karon ang staff sa maong show gumikan kay matud pa nihangyo si Katrina nga dili ipaapil ang istorya kalabot sa love affair nila kaniadto ni Hayden Kho Jr.

Giingong nagmalaumon ang mga staff sa Magpakailanman nga mausab pa ang huna-huna ni Katrina. (BANAT)