Pamilya ni Annabelle agparehistro na sa Sugbo

CEBU, Philippines - Usa na ka registered voter sa Barangay Camputhaw, niining dakbayan sa Sugbo ang Kapatid star nga si Ruffa Gutierrez .

Nagparehistro kagahapon si Ruffa sa buhatan sa Comelec Cebu City ug gikuyogan siya sa iyang inahan nga si Annabelle Rama kinsa  midagan pagka-kongresista sa north district.

Una nga nagprehistro sa dakbayan ang ubang sakop sa pamilya ni Annabelle  niadtong Lunes nga gilangkoban sa iyang bana nga si Eddie .

Nagparehistro usab ang iyang anak nga si John Rex “Elvis”  ug ang uyab niini nga si Alexa Uichico.

Samtang gikatakda usab nga magparehistro karong adlawa sa Comelec  ang laing anak ni Annabelle nga si Richard busa gituohan nga dumogan kini pag-ayo sa mga tawo.

Nagkanayon si Annabelle nga nagpakita lang kini nga mihatag og hugot nga suporta ang iyang pamilya kalabot sa pagsulod niya sa kalibutan sa politika.

Una na nga gipadayag ni Annabelle nga mohatag usab og suporta ang iyang mga alaga nga artista atol sa campaign period. (BANAT)