Finale nanghawod
CEBU, Philippines - Nakaangkon og 45.4% national TV ratings ang final episode sa seryeng Walang Hanggan nila Coco Martin ug Julia Montes niadtong October 26. Kini gibasehan sa Kantar Media. Samtang ang farewell episode usab sa kaatbang niini nga Luna Blanca sa GMA-7 nakahipos lang og 16.1 %.
Grade B
Nakaangkon og Grade B gikan sa Cinema Evaluation Board ang pelikula nila ni Thai actor Mario Maurer ug Erich Gonzales. Samtang mitikang gyud si Mario sa premiere night sa maong pelikula sa SM Mega Mall niadtong Lunes.
Rafael nakadaug
sa EC
Labing una nga celebrity winner sa Extra Challenge ang bag-ong Kapuso actor nga si Rafael Rosell. Gibalik sa GMA ang maong show kinsa nawala sa kahanginan sulod sa pipila ka tuig.
Pahiram moarangkada na!
Gihimo na sa GMA Network sa miaging adlaw ang story conference sa bag-ong drama series nga Pahiram Ang Sandali, nga maoy mohulip sa Haram. Ang maong serye pagabitoonan nila ni Dingdong Dantes, Kylie Padilla, Christopher de Leon, Mark Gil, ug Lorna Tolentino
Nausab ang huna-huna
Nausab na ang huna-huna ni Cesar Montano gumikan kay imbes si Anne Curtis ang plano niya nga himoong leading lady sa pelikulang The Turning Table: The Untold Story of Alfredo Lim., naglaraw na usab siya karon nga iyang pilian sila si Lovi Poe ug Cristine Reyes.
Vin maka-album dayon
Karong adlawa ang recording sa album sa best actor sa Artista Academy nga si Vin Abrenica . Nag-ulohan kini og Konti Man Lang nga gisuwat ni Jimmy Bondoc. Mapasalamaton si Vin gumikan kay nakadawat dayon siya og hugyaw nga proyekto bisan pa man nga bag-o pa siya nakatungtong sa showbiz.
Handler mibabag
Usa si Aljur Abrenica sa mitambong sa awards night sa Artista Academy isip paghatag og suporta sa iyang igsuon nga si Vin. Gisuwayan og duol si Aljur sa mga crew sa TV 5 aron unta interbiyohon apan dali nga nakababag ang handler sa aktor.
Yam inatiman ni Claire
Ang beteranang singer nga si Claire dela Fuente maoy naghupot karon sa career ni Yam Concepcion. Nasayran nga gi-build up pag-ayo karon si Yam sa Viva Films. Siya usab ang lead actress sa sexy movie nga Rigodon.
Derrick gisaway
Tsika pa ni Derrick Monasterio nga nakadawat siya og bati nga mga mensahe gikan sa iyang kritiko sukad sila nagkapares ni Barbie Forteza. Suma pa sa aktor nga dili siya magpaapekto niini aron matarong niya pag-ayo ang iyang trabaho. (BANAT)
- Latest
