Madonna giboo gumikan ni Obama

CEBU, Philippines - Gi-boohan matud pa si Madonna sa mitan-aw sa iyang concert tour adtong Sabado didto sa New Orleans human niya giduso ang kandidatura ni US President Barack Obama.

Daghan matud pa sa mga mitan-aw sa maong concert ang wala mahimuot ug nag-walkout.

Kini human milenggua si Madonna ngadto sa mitan-aw sa concert og: ''I don't care who you vote for as long as you vote for Obama. Seriously, I don't care who you vote for ... Do not take this privilege for granted. Go vote.''

Dugang niini, mibuto ang taho nga gipalagpot matud pa ni Madonna ang usa sa iyang mga back-up dancers nga si Lilou, kinsa higala sa iyang uyab ug back-up dancer pud nga si Brahim Zaibat.

Gisapot matud pa ang Material Girl kay nananghid kini nga mupauli sa France alang sa usa ka religious activity, usa ka adlaw sa wala pa ang gitakda niini nga paglupad.