Kababalaghan o kapalpakan sa mga killer highway, iimbestigahan
MANILA, Philippines - Kapag maraming naaaksidente sa isang kalsada, madalas ang sinisisi mga nagpapakitang multo o anumang engkanto. Pero ang totoo, ang kakulangan at kapalpakan ng kalsada at mga iresponsableng mga nagmamaneho ang problema talaga nito.
Iyan ang sisiyasatin ni Anthony Taberna ngayong Lunes (Oct 29) sa Halloween episode ng XXX.
Aalamin ni Anthony ang tatlo sa mga nabansagang killer highway sa Metro Manila at kung ano nga ba ang dapat gawin para masolusyunan at maiwasan ang aksidenteng nagaganap dito.
Habang tinututukan ni Anthony ang kanyang expose, iimbestigahan naman ni Julius Babao ang kababalaghan sa isang mansiyon sa Binangonan, Rizal gamit ang pinaghalong tradisyunal at makabagong aparato kasama ang Philippine Paranormal Investigators Society at kilalang psychic at DZMM host na si Stargazer.
Samantala, kakalap naman si Pinky Webb ng mga larawan at video na nakahuli umano sa pagpaparamdam ng mga kaluluwa. Kababalaghan nga ba ito o siyensiya?
- Latest
