Kung noon dini-deny pa Alice Dixson kumpirmadong hiwalay na sa asawa panghihipo kay Danita Paner, ayaw pag-usapan ni Mike Templo

PIK : Star-Studded ang event ng PLDT para sa ating mga guro kung saan magbibigay sila ng kasiyahan at mga papremyo sa mga libu-libong gurong inimbitahan nila.

Gaganapin ito sa SM-MOA Arena mamayang hapon na dadaluhan mismo ni Mr. Manny Pangilinan.

Isa ito sa malaking proyekto ng Gabay Guro na pinangungunahan ni Ms. Chaye Cabal-Revilla.

Magkakaroon ng raffle na ang grand prize ay isang house and lot na bigay ng Vista Land Corp.

Ilan sa mga kilalang celebrities na magbibigay ng kasiyahan ay sina Cesar Montano, Aga Muhlach, Jose Manalo, Wally Bayola at EB Babes.           

PAK: Nagulat ang News anchor ng TV5 na si Atty. Mike Templo sa lumabas na balitang inireklamo siya ng harassment ni Danita Paner dahil hinipuan daw niya ito.

Lumabas sa balitang nagpa-blotter si Danita dahil nga hinipuan daw siya ni Atty. Mike sa kanyang dalawang hita.

Ang nabalitaan namin, wala namang isinampang kaso si Danita. Ang mommy yata niyang si Daisy Romualdez ang nagrereklamo.

Ayaw munang magbigay ni Atty. Templo ng pahayag dahil itinatanggi niyang sadyang hinipuan niya ito.

Magkakilala naman sila ni Danita dahil pareho silang taga-TV 5 kaya tingin namin wala itong malisya.

Sana pag-usapan na lang muna nila at huwag nang palakihin dahil abogado si Atty. Templo at alam niya kung ano ang ikapapahamak niya.

BOOM: Kinumpirma ng ilang taga-Kapatid Network na nakipaghiwalay na si Alice Dixson sa kanyang non-showbiz na asawa na nakatira sa Canada.

Matagal na ang kanilang relasyon at ilang beses na silang natsismis na nagkahiwalay, at natuluyan din pala.

Hindi muna nagsalita sa ngayon si Alice dahil bumalik daw muna ito ng Canada para maayos ang mga legalities ng kanilang paghihiwalay.

Pagbalik nito ay magsasalita na siya sa tunay na dahilan ng hiwalayan.