Amy Austria mas gustong mag-alagang apo, tumangging makasama sa movie sina Coco at Julia
Happy 1st birthday kay Sophia Sabine Esmeralda, ang unang apo ng mag-asawang Amy Austria at Duke Ventura.
Ngayon ang 1st birthday ni Sabine at isang magarbong children’s party ang inihanda ng kanyang mga lolo at lola.
Pupuntahan ko ang birthday party ni Sabine dahil hindi ko pinangarap na magtampo sa akin si Esmeng.
Si Esmeng na in love na in love sa kanyang apo. Pinili ni Esmeng na alagaan si Sabine kesa tanggapin niya ang pelikula na pagbibidahan nina Coco Martin at Julia Montes. Ganyan katindi ang pagmamahal ni Esmeng kay Sabine. Gusto niya na magkasama sila ng kanyang apo sa buong buwan ng December.
Cinematographer ng el… kinabibiliban
Natapos na ang mga eksena ni Christopher de Leon sa El Presidente, ang official entry ni Laguna Governor ER Ejercito sa 2012 Metro Manila Film Festival.
Tinanggap namin ni Boyet ang project dahil maganda ang kanyang role. Hindi kami nagkamali sa aming desisyon dahil pinupuri ng entertainment press ang teaser ng pelikula nina ER at Boyet.
Malalaking artista ang kasali sa El Presidente dahil starring din dito sina Cesar Montano at Nora Aunor. Ang balita ko, bilib na bilib si Cesar sa cinematographer ng El Presidente na inaasahan na tatalbugan ang kinita sa box office ng Manila Kingpin: The Asiong Salonga Story.
Lian Paz may pahabol pang sasabihin sa hiwalayan nila ni Paolo
Live ang guesting bukas ni Lian Paz sa HOT TV ng GMA 7. May nagtanong sa akin kung okey ba sa akin na umapir si Lian sa HOT TV. Why not ang sagot ko dahil gusto ko rin na marinig ang kanyang mga sasabihin, pagkatapos ng well-publicized split up nila ni Paolo Contis. May karapatan din naman si Lian na i-air ang kanyang panig at para magkaroon na ng closure ang kanilang love story.
Jodi inaabangan sa tapatan nila Jolo at Jay
Maghaharap pala sa TV show ni Anthony Taberna sina Jolo Revilla at Jay Lacson, ang magkalaban sa Vice-Gubernatorial post sa lalawigan ng Cavite sa 2013,
Kailangang mapanood ko ang tapatan nina Jolo at Jay na parehong gentleman kaya walang reason para magpatutsadahan sila. Panoorin kaya ni Jodi Sta. Maria ang tapatan portion nina Jolo at Jay na kapatid ng kanyang ex-husband na si Pampi?
Jillian Ward nakakuha na ng katapat
Hindi naman siguro magre-react ang kampo ni Jillian Ward sa obserbasyon na si Ryzza Mae Dizon na ang bagong child wonder.
Sikat na sikat ngayon si Ryzza dahil sa exposure niya sa Eat Bulaga at sa kanyang pagiging natural comedienne.
Actually, same age sina Jillian at Ryzza. Parehong seven years old ang dalawa. Maliit nga lang si Ryzza dahil sa lahi nila. Malaking bulas si Jillian bilang mestiza ang kanyang madir.
- Latest
