Tiktik, naka-p10 m sa unang araw!
Certified hit ang Tiktik: The Aswang Chronicles na kumita ng mahigit sa sampung milyong piso nang magbukas sa mga sinehan noong Miyerkules.
Tuwang-tuwa ang mga artista, direktor at production crew ng Tiktik dahil hindi nabalewala ang mga pagod nila habang ginagawa ang pelikula.
Pinakamasaya si Dingdong Dantes na bida ng Tiktik dahil hindi siya nagkamali sa desisyon niya na makisosyo kay Dondon Monteverde at sa ibang co-producers.
Feel na feel ng lahat ang tagumpay sa box office ng Tiktik: The Aswang Chronicles. It’s a must na magkaroon ng Thanksgiving party ang mga producer ng pelikula para ma-feel ko na talagang tumatabo sa takilya ang kanilang pinaghirapan na project.
Ang success ng Tiktik: The Aswang Chronicles ang sign na magkakaroon ng sequel at eventually, magiging franchise din ang pelikula ni Dingdong.
Ngayon pa lang, siguradong pinag-uusapan na ng mga produ ang follow up project nila sa Tiktik na mukhang magiging mahigpit na kalaban ng Shake, Rattle & Roll franchise.
Eighteen months ang binuno ng mga creator ng Tiktik: The Aswang Chronicles at kung magkakaroon ito ng sequel, another 18-months ang kailangan para mapantayan o mahigitan ang unang version.
Chemistry nina Marian at Richard umaapaw
Bagay na bagay na magkapareha sa Extra Challenge sina Marian Rivera at Richard Gutierrez dahil parehong palaban ang dalawa.
Lalong lumakas ang chemistry nina Marian at Richard kaya hindi nagkamali ang GMA 7 na pagsamahin sila sa Extra Challenge.
Marami na ang nag-aabang sa pagsisimula ng Extra Challenge dahil nakakaintriga ang teaser na madalas na ipinapakita ng Kapuso Network.
Confident ako na mataas ang rating ng pilot telecast ng Extra Challenge sa October 27.
Cielo… unang project ng GMA films sa tv
Project ng grupo ng GMA Films ang Cielo De Angelina, ang pang-umaga na teleserye ng Kapuso Network.
First time ng GMA Films team na mag-produce ng isang teleserye dahil puro pelikula ang kanilang mga nakaraan na project.
Panay ang lambing ni Joey Abacan ng GMA Films na suportahan ng entertainment press ang Cielo De Angelina. Personal ang pag-aasikaso ni Joey sa kanilang pet project na huhusgahan na sa darating na Lunes, October 22.
Isabel at Chuckie biglang naalala kina Bea at Jake
Ang loveteam nila ni Chuckie Dreyfuss ang naalaala ni Isabel Granada nang makasama niya ang loveteam nina Bea Binene at Jake Vargas sa Cielo De Angelina.
May reason si Isabel para ma-miss ang loveteam nila ni Chuckie dahil isa ito sa mga tambalan na tinitilian noong araw. Hindi rin nagkakalayo ang mga height nila nina Bea at Jake.
May kanya-kanya nang pamilya sina Isabel at Chuckie.. Nabuhay ang kanilang loveteam at na-revive ang showbiz career nila nang mag-join sila sa Survivor Philippines.
- Latest
