Mga pangyayari sa Luna Blanca mas tumitindi
MANILA, Philippines - Hindi nakuha nina Blanca ang tulong ni Luna para itakas si Rowena, kaya’t sila lang ang nagtangkang kunin si Rowena mula kay Diego. Halos mapatay sila ni Diego kaya binaril ito ni Rowena. Pero dinamay din si Rowena sa pananakit ni Diego.
Nakuha namang pakagatin ni Luna ng prutas na itim si Joaquin.
Nanganib ang buhay ni Joaquin nang kagatin ang itim na prutas. Dinala ni Luna sa ospital si Joaquin, sa parehong ospital na pinagdalhan kay Rowena.
Nasundan ni Divine sina Luis sa ospital, habang nagpapanggap na doktor inalis niya ang life support system ni Rowena. Subalit noon pa bumuti ang lagay ni Rowena.
Nag-seizure si Joaquin at nawalan ng buhay subali’t bigla ring nagbalik ang malay nito na gumana na ang gayuma ng prutas – si Luna na ang kanyang minamahal.
Habang nasa ilalim ng gayuma pumayag si Joaquin sa pagpapakasal nila ni Luna.
Nang tuluyang iwan ni Luis, pinuntahan ni Divine si Diego para makipagkasundo laban kina Rowena at Luis.
Pumunta sina Blanca, Luis at Rowena sa pa-party ni Luna para sana kunin na si Luna mula kay Diego pero laking gulat nila nang dun mismo in-announce ang takdang pagpapaksal nina Joaquin at Luna.
Tumitindi ang kuwento ng inaabangang Luna Blanca sa GMA7 gabi-gabi pagkatapos ng 24 Oras.
- Latest
