"Age Doesn't Matter"

CEBU, Philippines - Dili isyu para ni Heart Evangelista ang gintang sa pangidaron nila sa iyang uyab karon nga si Senator Chiz Escudero. Si Chiz 43, samtang si Heart 27.

Una kining higayon nga dako og gintang ang edad niya sa iyang hinigugma, sukwahi kaniadto nga pupareha ra niya og pangidaron sama nila ni John Prats, Jericho Rosales, ug Daniel Matsunaga.

“It’s nice rin naman. I learn so much,” nagkanayon si Heart.

Aduna nay duha ka mga anak ang senador sa kanhi niini asawa nga si Tintin Flores, pero nagdumili siya pagtuki kabahin niini. Wala gani siya mikomento sa pangutana kun nagkaila na ba sila sa mga bata.

Istoryahan pa pud matud pa nila ni Chiz ang kabahin sa kampanya niini, sa tinguhang magpasubli isip senador.

Pa-sexy gihapon

Giklaro ni Coco Martin nga andam gihapon siya nga mudawat og daring roles, bisan pa man sa kasikat na niya karon. Gihimakak niya ang taho nga himilian na kaayo siya og roles. Suma pa niya basta maoy pangayuon sa script, andam siya nga magpa-sexy pag-usab.