Vic at Pauleen lumantad na!

Nagtataka pa ba kayo na nakikitang magkasama sa lakaran sina Vic Sotto at Pauleen Luna? Matagal na naman ’yung tsika sa kanila. By this time, hindi na kailangan ng kumpirmasyon dahil hindi naman gawi ni Bossing Vic na ipagmakaingay ang affairs of his heart at hindi naman maaaring magsalita ng aktres hanggang hindi nauuna si Bossing.

Tanggapin na lang natin na sila na pero they’d like to keep their relationship private. ’Yun na!

Sam may offer na international movie

Mukha namang may magandang resulta ang ginawang pago-audition ni Sam Milby sa Amerika. May dumating na sa kanyang offer para sa pelikula mula sa US pero may nakasabay itong trabaho rito sa ABS-CBN. Hindi niya alam kung papayagan siya ng network na mawalang muli pero gustung-gusto niyang gawin ang pelikula.

Nakapagsimula na siya ng taping sa Against All Odds kaya kailangang isaayos niya ang sked niya para hindi naman maapektuhan ang trabaho sa serye na pinagbibidahan ni Judy Ann Santos.

Good luck, Sam!     

Echo gusto nang pakasal

Mukha namang happy sa kanyang love life si Jericho Rosales. Kailan lang ay napabalitang nag-iisip na silang lumagay sa tahimik ng kanyang girlfriend na si Kim Jones. Pero nang makausap naman siya sa launch ng kanyang Korona album ay wala naman itong inamin na kasalan.

Sinabi lamang niya na patuloy ang kanyang pagkuha ng tiwala ng kanyang girlfriend. Magkasama ang dalawa na dumalo sa Busan Film Festival na kung saan ay kalahok ang indie film ni Echo na Alagwa kasama si Bugoy Cariño.