Vice Ganda nakipagtuos kay Banker
MANILA, Philippines - Isa na namang tawarang hitik sa kwela at katatawanan dahil ang unkabogable na si Vice Ganda ang haharap kay Banker ngayong Sabado (Oct 6) sa hit Kapamilya game show na Kapamilya Deal or No Deal.
Todo kulitan sa episode si Vice at host na si Luis Manzano na siya ring magkatambal sa inaabangang comedy movie na This Guy is in Love with U Mare.
Sa unang pagkakataon din ay direktang kinausap ni Vice si Banker nang agawin nito ang telepono kay Luis. Ano kaya ang sasabihin niya?
Kabugin niya kaya si Banker o si Banker na ang pinakaunang kakabog sa kanya? Bakit kaya briefcase 7 ang napili niya? May kinalaman ba ito sa kanyang lovelife? Huwag palalampasin ang Kapamilya Deal or No Deal ngayong Sabado pagkatapos ng TV Patrol Weekend sa ABS-CBN.
- Latest
