Goodbye Lorenzo

CEBU, Philippines - Matapos na karong gabii ang seryeng Lorenzo’s Time   sa ABS-CBN nga gibidahan ni Zaijian Jaranilla busa napuno sa emosyon ang tibuok cast ug production team sa maong serye atol sa katapusan nila nga taping sa miaging adlaw.

Dagkong tawo

Gibutyag ni Chariz Solomon dinhi sa Banat News Hugyaw nga mga GMA-7 executives kasagaran ang magsilbi niya nga principal sponsors sa umaabot nila nga kasal sa iyang non-showbiz boyfriend karong Disyembre. Suma pa ni Chariz nga dako siya og utang kabubut-on sa maong network.

Paulo sa MYX

Si Paulo Avelino maoy MYX Celebrity VJ karong buwana. Kahinumduman nga gilusad dili pa lang dugay ang self-titled album sa aktor. 

Mga alaga ni Annabelle

Motikang karong adlaw dinhi sa Sugbo sila si Ehra Madrigal, Michelle Madrigal ug Arci Muñoz aron suportahan ang ilang talent manager nga si Annabelle Rama kinsa moduso sa iyang certificate of candidacy diha sa buhatan sa Commission on Election. Motikang usab ang tibuok pamilya ni Annabelle. Modagan siya pagka-kongresista sa north district sa dakbayan sa Sugbo.

Sunod tuig pa

Tsika pa ni Dingdong Dantes nga sa sunod tuig pa mapasalida ang indie film niya nga     "Dance of the Steel Bars!" kung diin kasagaran sa mga eksena niini gihimo sa Cebu Provincial and Rehabilitation Center (CPDRC). Niadtong 2010 pa gigama ang maong indie film apan nalangan kini gumikan kay nagpadayon pa gihapon ang negosasyon niini sa mga international producers.  (Sanden J. Anadia)

Dingdong-Isabelle issue gihimakak ni Gloria

Mialma ang kanhi beauty queen ug aktres nga si Gloria Diaz kalabot sa isyu nga naglambigit sa pangalan sa iyang anak nga si Isabelle Daza ngadto sa laing Kapuso star nga si Dingdong Dantes.

Suma pa sa aktres nga dili tinuod ang maong istorya.

"She's not the type to ever get somebody else's boyfriend. Hindi siya ‘yong tipong ganun na nang-aagaw," suma pa ni Gloria ngadto sa GMA News.

Una na nga migawas ang tsismis nga nagkahanap ang relasyon nila ni Dingdong ug Marian Rivera gumikan ni Isabelle. Apan ang maong balita gihimakak ni Dingdong. (BANAT NEWS)