Mr. & Miss Olive-C

Angkona ang titulo nga FREEMAN / BANAT News Readers’ Choice Award

Pamaagi:

1. Guntinga ang coupon nga namantala sa The FREEMAN o BANAT News. Nagsilbi kini nga balota.

2. Isulat ang pangalan sa candidate nga imong pilion. Usa lang ka candidate matag coupon. Dili maapil sa ihap kung ang usa ka coupon suwatan og daghang pangalan.

3. Lakipi kini og masthead sa The FREEMAN o BANAT News (pagpili lang). A coupon uban sa FREEMAN masthead adunay (2) votes, samtang ang BANAT News masthead adunay (1) vote.

4. Ihulog ang coupon sa The Freeman office sa corner D. Jakosalem ug V. Gullas streets o sa drop boxes sa pinili nga mga partner nga establisamento ug tunghaan.

5.Voting period (October 1-25)

6. Ang iniphanay buhaton makaduha sa The FREEMAN office, PhilStar Bldg., V. Gullas cor D. Jakosalem Sts., Cebu City. Inisyal nga pag-ihap   mahitabo karong   October 12, 2012 (Biyernes), nga naggikan sa mga coupon nga gipanghulog sugod karong adlawa ngadto sa October 11, 2012.

7. Karong October 25, 2012 (Huwebes) sa alas 5 sa hapon ang deadline sa paghulog sa coupon.

8. Kung daghang The Freeman newspaper ug Banat News nga imong paliton, dako usab og tsansa nga maangkon sa gipili nimo nga candidate ang Reader’s Choice Award.

9. Ang candidate nga makaangkon og daghang votes, automatic nga mahimong finalist. Dako usab ang tsansa niini nga maangkon ang korona.

Junichi L. Yabushita (Cebu Doctors University)

Ang Candidate No. 4 nga si Junichi nagkuha’g kurso nga Medical Technology sa Cebu Doctors University. Natawo siya niadtong Disyembre 9, 1994 mao nga nagpangedaron siya karon og 17 anyos. Nagpuyo siya sa Seawage Gate, Lapu-Lapu City. May gitas-on nga 5’8” ug timbang nga 63 ka kilo, si Junichi nakaapil na’g duha ka bangga sa kaambong sama sa Mr. Toledo 2012 niadtong Hunyo diin napili siyang 1st runner-up ug Mr. Summer Hunks 2012 sa Lapu-Lapu City niadtong Abril diin nalangkat niya ang titulo ug korona. Gusto siyang makadasig sa ubang tawo pinaagi sa iyang mga binuhatan ug mga damgo tungod kay pinaagi sa pagdasig, makakuha’g kusog ug malamdagan ang uban ug sa ingon makalantaw sa hayag nga ugma. Gusto ni Junichi nga mamahimong celebrity ug sa samang higayon malampusong medical technologist ugma damlag. Mahiligon siyang motan-aw og sine, mosayaw, mag-internet ug magpuyo sa balay aron makig-bonding sa pamilya.

4 - Guada Mikka Abenoja (University of San Jose – Recoletos)

Ang Candidate No. 4 estudyante sa University of San Jose – Recoletos ug nagkuha sa kurso nga Tourism. Nagpangedaron og 20 anyos, si Guada Mikka Abenoja, natawo niadtong Hunyo 2, 1992 dinhi mismo sa Sugbo. Anaa siya karon magpuyo sa Inayawan. Ang iyang gitas-on nga 5’5” ug gibug-aton nga 48 ka kilos maayong pagka bahinbahin sa iyang lawas nga may sukod nga 31-26-36 ½ ka pulgada ug nga dako niyang puhonan aron malangkat ang mga titulo nga Ms. Lutopan (Toledo City) 2011, Ms. Inayawan 2011 ug Ms. USJ-R Tourism 2010. Ang panultihon nga ‘Be yourself, take your time’ naggiya kang Guada ning kinabuhia. Sukad pa sa pagkabata gusto na niyang mamahimong beauty queen aron mamahimong maayong sumbanan sa mga batan-on. Gusto usab siyang mahimong malampuson ug may maayong trabaho, sama sa pagka flight stewardess. Mahiligon siyang makig-uban sa mga higala.