Lumipat lang sa ABS-CBN Paulo recording artist na rin
MANILA, Philippines - Recording artist na ang actor na si Paulo Avelino. Kahapon ay inilunsad na ang kanyang debut album – self titled – under Universal Records. When She Cries ang carrier single.
Aminado siyang hindi niya noon naisip na magkakaroon ng album though kumakanta-kanta na siya. “Noong bata pa ako, lumaki ako sa mga kantang pang-banda like Parokya ni Edgar at Eraserheads at pumasok naman sa isip ko na gusto lang subukan,” simula niya.
Hanggang nagkaroon siya ng chance na makakanta sa ASAP nang lumipat siya sa ABS-CBN. Nang mapanood sa YouTube ng manager niyang si Leo Dominguez ang tungkol sa pagkanta niya, napag-usapan nila ang tungkol sa album at ngayon nga ay nasa mga music stores na.
Kasama sa unang album niya ang Gaano Kadalas Ang Minsan ni Basil Valdez, Alamid’s Your Love, APO’s Yakap Sa Dilim, Boyfriends’ Bakit Labis Kitang Mahal and If You Believe. The album also includes minus-one versions of the tracks.
Anyway, bukod sa album, bumongga talaga ang career ni Paulo nang lumipat siya sa Kapamilya Network. Napasama siya sa magtatapos na Walang Hanggan na kinabaliwan ng mga manonood. Maganda ang naging pagtanggap sa kanya sa nasabing serye nila Coco Martin at Julia Montes.
Pero after this serye, wala pa siyang alam na gagawing serye. Though meron naman daw siyang dalawang pelikulang tinatapos sa Regal Films.
Samantala, magkakaroon ng album launch ang actor sa ASAP at meron siyang special show para sa fans sa October 7 sa SM The Block Sky Dome. May kakaiba raw gagawin ang actor na ikaaaliw ng kanyang mga fans. (SVA)
- Latest
