Luis binura na ang intriga sa kanila ni Jennylyn

Nabura ang isyu tungkol sa pagkakalabuan nina Luis Manzano at Jennylyn Mercado. Ito ay matapos panindigan ni Luis sa presscon ng This Guy’s in Love with You Mare.

Nang huli naming makausap si Jen sa press visit ng Hindi Ka Na Mag-iisa ay may nagtanong din ng ganitong isyu tungkol sa kanya at nilinaw niyang nakarating na ang tsismis kay Luis at dinedma ito ng nobyo. Walang nabago sa kanilang relasyon at maligaya sila at magkasundo sa maraming bahay.

Sa kabilang banda, puring-puri ni Direk Wenn V. Deramas ang aktor dahil sa pagiging propesyonal at ganun din naman ang mga kasamahang artista sa This Guy’s in Love with You Mare.

‘‘Sobrang aga niya sa set. Kapag may eksenang iyakan nagpapraktis na ito ng seven o’clock pa lang ng umaga kahit kukunan pa ang eksena sa gabi. Dedicated at committed na tao si Luis,” anang direktor.

Ipalalabas na ang This Guy’s in Love with You Mare sa Oct. 10 nationwide mula sa Star Cinema.

Jennylyn pinakinis lalo ng Belo

Gandang-ganda kami kay Jennylyn Mercado dahil sa maputi at makinis na kutis ng aktres. Ipinakita ang before and after photos ni Jen at talagang ang laki ng ipinagbago nito. Hindi kasi pantay ang kulay ng skin nito noong time na nasa Starstruck pa siya.

Maganda ang naging resulta ng subukan nito ang glutathione injection at nag­pantay na ang kanyang balat. Nagpa-micropeel din si Jen sa Belo Medical Clinic kaya makinis na makinis ang kutis nito kahit pa ang mukha.

Ideal ang Micropeel Cleaning Facial sa dry skin at blotchy pigmentation kung saan ginagawa ito ng 30 to 45 minutes every two weeks.