Aktres literal na winasak ang relasyon ng young showbiz couple

 Aware kaya ang aktres na ito na isa siya sa rason ng break-up ng isang young showbiz couple? Nag-post ang aktres ng pictures nila ng kapareha sa Twitter na sweet-sweetan. Nag-react ang GF ng aktor na isa ring aktres nang makita ang mga litrato ng dalawa na hindi publicity photos para sa show ng dalawa.

Hindi naipaliwanag nang husto ni Aktor sa GF kung saan kuha ang mga litrato nila ng aktres at kung bakit sweet sila. Nagselos si GF at ‘yun ang simula nang break-up nila ng nobya.

Magkakasama ang tatlo sa isang network, kaya feel na feel ang tension ‘pag nagkikita o ‘pag magkakasama sila sa production number ng show na pare-pareho silang mainstay. Hindi n’yo na makikita ang pictures, na-delete na ng aktres sa pakiusap ng taong nakaka-feel sa tension nilang tatlo.     

Trailer ng a secret affair patok agad

Nag-trending agad sa Twitter sa first day pa lang na labas ng trailer ng A Secret Affair ng Viva Films na bida sina Anne Curtis as Rafi, Andi Eigenmann as Sam at Derek Ramsay as Anton at nangangamoy box-office hit na agad ang movie.

Nakadagdag sa ganda ng movie ang theme song na Don’t Say Goodbye na kinanta ni Nina. May blurb line na “You can never be safe with A Sec­ret Affair.”

Sa poster, kay Anne nakayakap si Derek at solo si Andi at sa palitan ng lines, parang si Anne ang asawa ni Derek at si Andi ang kabit.

Kaya pala sabi ni Anne, ibang-iba ang role niya rito sa A Secret Affair sa No Other Woman  na una nilang pinagsamahan ni Derek with Cristine Reyes. Sa October na ang showing ng A Secret Affair. 

Bea hindi apektado sa mga intriga

Kinumusta ng press si Bea Binene kay Simoun Ferrer, AVP ng GMA Ar­tist Center sa presscon na ipinatawag ng GMAAC bilang suporta kay Bea at sa ina nitong si Carina Binene sa kinakaharap na kontrobersiya ng mag-ina.

Sagot ni Simoun: “Bea is fine! Bata pa siya, hindi masyadong naiintindihan ang nangyayari. Happy siya na nag-gold ang album niyang Hey, It’s Me Bea! at focus sa bago niyang soap (ang Angelina del Cielo) na malapit nang lumabas. She’s very professional, gusto lang niyang magtrabaho at puno ang schedule niya.”

Hindi pa na-i-interview ng press si Bea, kailangan sigurong maghintay ang press sa presscon ng Angelina del Cielo  bago makausap ang young actress. ‘Yun ay kung sisipot ito sa sariling presscon.

Samantala, nakausap ng isang reporter ang mother ni Bea kung bakit pinayagan nilang tumira ng seven months sa kanila si Papa Dan. Ang sagot ni Carina Binene ay dahil mabait ito kaya nagtiwala sila.

Dahil sa diabetes, Mona Louise bawal duguin

Ang ganda-ganda ng mukha ng child star na si Mona Louise Rey, bida ng Aso ni San Roque, kaya lang, hindi pantay ang mga ngipin sa taas. Pampasira sa ganda ng bagets ang mas mahabang ngipin.

Sabi ng mother ni Mona, hindi maipaayos ang ngipin ng bata dahil bawal itong duguin dahil may juvenile diabetes. Ang itinuro sa kanila, every morning, ipapasok ang ngipin gamit ang dila ng bata at mukhang nagwu-work dahil unti-unting naaayos ang ngipin nito.