Dr. Belo ibabahagi ang galing sa internal auditors' annual conference

MANILA, Philippines - Isa sa magiging panauhing pandangal si Dr. Vicki Belo sa gaganaping kumperensiya ng Institute of Internal Auditors-Philippines (IIA-P).

Ayon kay IIA-P President Juancho Robles, magsasalita si Belo kung paanong gumaling sa pagpapatakbo ng isang kumpanya.

Ang 65th annual conference ay gaganapin sa Boracay sa Oct. 23-25.

Sinabi pa ng IIA-P na wala nang ibang hihigit pa sa presidente ng Belo Medical group na kilala ring speaker sa iba’t ibang bansa para maturuan sila ng tamang pagma-manage. Pinaangat anila ni Belo ang katayuan ng aesthetic beauty industry sa pamamagitan ng kanyang makabagong leadership skills.

Sinabi ni Robles na ang tatlong araw na seminar ay hindi lang magiging experiental learning at soft skill development kundi hinggil din sa masayang pagkakapatiran at pag-uugnayan ng bawat isa.

Para sa rehistrasyon, bumisita sa website na <www.65.iia-p.org.>