Luna Blanca mas umiinit!

MANILA, Philippines - Nakakapagsalita na si Joaquin. Mababanggit niya pa ang pangalan ni Blanca. Sobrang masasaktan si Luna dahil bigo na naman siya sa pag-ibig.

Hihilingin ni Luna kay Diego na pumuti siya. Magugulat naman si Rowena sa pagbabago ni Luna.

Magkakaroon si Luna ng bonggang party at makikilala siya ng lahat. Masayang-masaya si Luna dahil maputi na siya.

Pupuntahan ni Blanca si Joaquin. Pipigilan siya ni Divine pero maririnig ni Joaquin ang boses ni Blanca.

Paninindigan na ni Luna ang bago niyang katauhan.

Aatakihin si Luis dahil sa pag-aaway nila ni Divine. Sisisihin tuloy ni Divine si Blanca.

Mananakawan si Blanca. Tutulungan siya at bibigyan pa siya ni Luna ng pera.

Hindi makikilala ni Blanca si Luna dahil nagpalit na ito ng pangalan.

Mapipilitang magsayaw si Blanca para makabili ng gamot ni Luis. Magkikita sina Luna at Joaquin.

Maiinit ang mga tagpo sa pagpapatuloy ng kuwento ng Luna Blanca na patuloy na tinututukan gabi-gabi sa GMA 7.