Mga hurado sa AI kompleto na!

CEBU, Philippines - Karon pa lang daan, mihatag na og pasiunang mensahe ang mga American Idol judges nga sila si Nicki Minaj ug Keith Urban kung unsa sila nga klase nga mga hurado sa Season 12 sa maong reality singing competition. Gipadayag ni Nicki nga seguradoon gyud niya nga maka-kaplag siya og superstar sa maong show.

Suma pa sa singer nga nalipay usab siya nga makauban niya si Keith kinsa gihulagway niya nga talented kaayo nga singer.

Samtang ipaneguro usab ni Keith nga  mahimo siya nga katuohan nga hurado pinaagi sa paghatag og komento kung diin makat-on gyud ang mga finalists. Apan gipasalig niya nga dili siya istrikto nga hurado gumikan kay nasayod siya sa sitwasyon sa usa ka contestant sanglit siya mismo, nakasalmot na og   singing contest kaniadto.

Nasayran nga gianunsyo kagahapon sa mga kadagkoan sa American Idol nga sila si Keith ug Nicki maoy mikompleto sa listahan sa mga hurado sa maong show.

Magpabilin usab isip hurado si Randy Jackson kinsa mao na la’y nahibilin nga orihinal nga hurado sa AI.

Una nga gikumpirmar sa AI nga ang pop diva nga si Mariah Carey maoy usa sa bag-ong hurado. (Sanden J. Anadia, gikan sa wires)