Cristine aprobado ni Gerald

CEBU, Philippines - Giklaro ni Gerald Anderson nga wala’y problema alang kaniya sa panagpares nila ni Cristine Reyes sa umaabot nga serye sa ABS-CBN gumikan kay managhigala sila niini. Kahinumduman nga nakabangi kaniadto ni Cristine ang gipanguyaban ni Gerald nga si Sarah Geronimo.

Bwakaw

Kasamtangang gipasalida sa Toronto International Film Festival ang Bwakaw ni Jun Robles Lana. Pagkahuman niini, isunod dayon ang pagpasalida niini sa New York Film Festival kung diin giimbitar sa mga organizers ang lead star nga si Eddie Garcia. Nisalmot usab ang maong pelikula sa Hawaii International film Festival.

Kylie mibalhin na og puyo

Gilaay na pag-ayo si Kylie Padilla sa pagpuyo sa iyang condo unit busa mibalhin na siya karon og puyo sa balay sa iyang amahan nga Robin Padilla ug sa kapikas niini nga si Mariel Rodriguez.

Mugna ni Kuh nahalin

Gi-display ni Kuh Ledesma ang iyang mga paintings sa usa ka art exhibit sa miaging adlaw ug nahalinan siya og P250,000. Ang iyang painting nga nag-ulohan og Talahib maoy nahalin.

Karaang expression

Gigamit gyud sa pelikulang Of All The Things nila ni Aga Muhlach ug Regine Velasquez ang expression nga “magpa-canton ka naman”. Suma pa sa mga nakakita sa trailer niini nga bisan karaan na ang maong expression apan nindot gihapon kini paminawon gumikan kay hugyaw ang pag-deliver ni Regine niini.

Ate V pasidunggan ni P-Noy

Pasidunggan ni Presidente Noynoy Aquino si Governor Vilma Santos-Recto busa matawag na ang aktres isip 2012 Presidential Lingkod Bayan National Awardee. Ang paghatag sa award mahitabo sa Malacañang Palace karong September 19.

Venus dili pa andam magminyo

Nagkalami ang relasyon nila ni Venus Raj ug Andrei Felix apan ilang giklaro nga wala pa masulod sa ilang huna-huna nga magpakasal gumikan kay alang kanila, angayan tigoman pag-ayo ang maong butang."Sa ngayon, wala pa kaming ganoong kalaking pera para pag-usapan yung mga ganoong bagay,” suma pa ni Venus.

Barbie suki sa pako

Tsika pa ni Barbie Forteza nga duna na pud siya’y pako sa umaabot niya nga proyekto sa GMA-7, ang Mariposa. Suki na si Barbie sa maong butang gumikan kay duna pud siya’y pako sa serye niya kaniadto nga Pilyang Kerubin.