A Jack of many, And masters all
CEBU, Philippines - Mitambong gyod si Angel Aquino sa presscon niadtong Martes, Septiyembre 4. Mitambong usab si Mateo Guidicelli. Didto usab si direk Remton Suazola ug ang charming kaayong producer nga si Madame Susan Henry, usa ka Cebuana. Dili ko moingon nga gwapa kaayo si Madame Susan Henry, pero very charming. Ug makamao kaayong mopili kun unsay angay niya. Very dignified. Ang iyang make-up artist [kun duna man gani siya’y make-up artist] makamao gyod. Ug ang iyang couturier maayo kaayo. Makamaong mopili sa panapton, sa tabas sa sinina alang kang Madame Susan. Pero ang gikaibgan nako ang iyang hells. Moingon mo nga, kwartahan man, maka-afford? Uy, day wa diay mo masayod nga dunay milyonarya nga wa gyo’y angay’ng mamisti? Anyway, dili pa lagi isalida ang ilang movie nga “ P “ ug wa pa gani sila makasugod. Mao bitaw’ng nangutana gyod ko’g under contract ba ang mga artista. Kay uroy, kun magsugod na sila’g shooting, unya, dili na manunga ang mga artista? Well, anyway, nakaila kitang Angel Aquino, professional siyang pagka artista ug hasta si Mateo. Pero dunay nag-ingon nga apil si Jay-R Siaboc. Pero nganong wa siya sa presscon nga, Cebu –based na man kaha siya? Unsa may iyang drama? Pilay gasto sa “P”? Dako gyod. Pilay gasto sa “The Pedro Calungsod Story” ni Dante Luzon? Gamay kaayo. Usa sa mga artista, wa gani bayad, si Atty. Paul Clarence Oaminal. Abogado, usa ka passionate anti-drug campaigner ug broadcaster rolled into one. Nag-enjoy siya’s iyang gibuhat, ug maayo niyang pagkabuhat ang iyang gibuhat. He is a Jack Of All Trade, And a Master of All. Makita siya matag adlaw sa KASAYSAYAN portion sa mga Balita Karon sa INTV-CCTN, Channel 47. Atty. Paul, unsay dili nimo mahimo?
- Latest
