Derek: Wala ko mamawi og sakyanan!

CEBU, Philippines - Nag-atubang gihapon og intriga si Derek Ramsay bisan taud-taud na sila nga nagkabuwag ni Angelica Panganiban.

Hugot nga gihimakak sa aktor ang migawas nga report nga matud pa iyaha nga gibawi ang Mini Cooper nga iyahang gihatag kaniadto ni Angelica. "Wow!! This isn't true! Thanks for asking," tweet pa ni Derek. Aduna pu’y migawas nga laing istorya nga matud pa nga gibaligya ni Angelica ang Mini Cooper human kini nakadawat og Mercedes Benz gikan sa uyab niini nga si John Lloyd Cruz.

Panghinaut ni Derek nga matuldokan na ang maong mga intriga. Nagbuwag ang duha niadtong Mayo karong tuiga.

"I'm good. Wishing all the fake tsismis would stop," dugang pa sa aktor. Kahinumduman nga niadtong 2009, giregalohan ni Derek og Mini Cooper si Angelica kung diin ginganlan kini og “Baby James Cooper”. (Sande J. Anadia)

Markki ug Zia friends ra gyud!

Gihimakak ni Markki Stroem ang wala’y hunong nga istorya nga matud pa nga duna sila’y relasyon sa laing singer nga si Zia Quizon.

Suma pa ni Markki nga close lang gyud sila ni Zia busa dili sila angayan nga intrigahon.

Giangkon usab ni Markki nga kung busy si Zia, nagpabilin gihapon ang komunikasyon nila sa usa’g-usa.

Dugang pa sa singer nga dali ra sila nga magkasinabot sa bisan unsa nga butang.

Sa pagka-karon, dili buot ni Markki nga tagaan og malisya ang pagkasuod nila ni Zia gumikan kay naka-focus silang duha sa tagsa-tagsa nila ka mga career.

Jessica nagpanikad na sa pagtikang sa nasud

Nagpanikad na ang Idol Season 11 runner-up nga si Jessica Sanchez alang sa American Idol Live Tour dinhi sa Pilipinas partikular na didto sa kaulohan karong September 21. Suma pa sa singer nga iyaha gyud nga seguradohon nga matarong ang iyang performance ug matagbaw ang katawhan ilabi na nga dako siya og utang kabubut-on sa mga Pinoy gumikan sa init nga suporta nga iyang nadawat niini sa dihang nisalmot siya sa American Idol. Sa iyang Twitter account, gipahibalo sa Filipino-Mexican-American singer nga nahuman na ang ilang concert sa nagkadaiyang dapit sa Amerika.

"That's a wrap for our US Tour! To my Philippines fans: Can't wait to see you in Manila Sept 21! #AILiveinManila," tweet pa ni Jessica.

Makauban ni Jessica sa maong konsyerto ang American Idol grand winner nga si Phillip Phillips ug ang finalists nga sila si Colton Dixon, Joshua Ledet, Deandre Brackensick nga uyab karon ni Jessica, Heejun Han, Skylar Laine, Elise Testone ug Hollie Cavanagh.

Una kini nga higayon nga makatikang sa Pilipinas apan ang iyang inahan nagtubo sa Bataan. (Sanden J. Anadia gikan sa wires)(BANAT NEWS)