Heart napaso na sa pakikipagrelasyon sa foreigner dahil kay Daniel

PIK: Tuloy ang mga shocking revelations sa gala night ng Protégé: The Battle For the Big Artista Break sa Linggo.   

Alamin kung sino na ang maiiwang protégé sa mga mentor at kung ano ang mangyayari sa maiiwan.

Patindi nang patindi ang magaganap sa elimination nito, kaya tuloy ang pagtutok sa Protégé na iho-host ni Dingdong Dantes sa Linggo pagkatapos ng I Bilib.

PAK: Ayaw na ni Heart Evangelista makipag-boyfriend sa foreigner pagkatapos niyang makipag-relasyon kay Daniel Matsunaga.

“Not for anything, but Daniel is such a nice guy. It’s just siguro the way I was brought up pero we’re friends. We still talk to each other from time to time. Okay kami,” pahayag ni Heart na pinagdiinang single pa siya ngayon.

Madalas silang nagdi-date o nagmi-meeting ni Sen. Chiz Escudero pero magkaibigan lang talaga sila at hindi niya masasabi kung nanliligaw ba ito sa kanya.

Mas mabuting mag-focus muna siya sa kanyang sarili at sa trabaho lalo na’t magsisimula na ang Luna Blanca na pagbibidahan nila ni Bianca King, at magsisimula na ito sa Lunes.

BOOM: Nakatakdang umalis pala si Sarah Lahbati patungong Switzerland para dalawin ang daddy niya roon at pamilya.

Ilang linggo siyang magbabakasyon doon at pagbalik nito ay babalik na siya sa trabaho.

May special participation siya sa gagawing epic serye ni Sen. Bong Revilla, Jr. na Indio at may pelikula sila ni Richard Gutierrez sa Regal Entertainment, Inc. na The Affair.

Pero narinig naming sasamahan ni Richard ang mommy niya at ang Ate Ruffa Gutierrez niyang magpapa-stem cell therapy sa Germany.

Hindi kaya magkikita sila roon ni Sarah?

Wala namang masama dahil mukhang sila na nga talaga at botong-boto naman si Tita Annabelle Rama.

Kahapon ang story conference ng The Affair sa Regal na ididirek ni Peque Gallaga.