Passionate Dulce

Before anything else una ko, mga yadzz. Mo-greet una ko’g advance happy birthday ngadto sa usa sa labing suod nakong friend, si Ferdie Manus, mag-23 na diay kono siya ugma. Ganahan kong moadto’s ila, kay seguro man gyong dunay kombira. Pero layo man pod ang ila, tua ma’s Gun-ob sa Lapu-Lapu City. Dili man god moadto sa DYAB si Ferdie ugma, kay wa man siya’y boardwork. Pero, Ferds, if nakabasa ka ani ron, unya magkita mo’s Edison, ipada lang niya ang ulo sa inasal. Mao ra nay akong pangayuon.

Duha gyod ka sunod-sunod nga issue sa The Freeman, August 31 ug September 1 nga, starring kaayo si Dulce. Labi na gyod sa September 1, written by Ricky Calderon. Nindot kaayong pagkasuwat. It was about the hidden sad experience ni Dulce atong batan-on pa siya nga, gi- molestya siya’g usa ka influential kaayong politiko, nga ilado na sad kaayo nga dukirok og mga babaye, labi na’g mga batan-ong showbiz personality.

Mao ni usa sa hinungdan nga everytime mokanta si Dulce og mga sad songs, dili mapugngan ang iyang mga luha. Karon nga, bisa’g miagi na to nga chapter sa iyang kinabuhi, dili gyod siya makatalikod sa suod niyang mga higala nga nagkinahanglan niya.

Hinungdan nga usa siya sa miatiman ni Susan Fuentes kinsa, hangtod karon, naa pa sa ospital. Gani, siya’y nag-organize sa usa ka fund-raising show para ni Susan, kay nagkinahanglan gyod kini sa tabang sa mga tawo. Ako mismo nasayod unsa ka passionate si Dulce. Gani, hasta ako, kadaghan na niya tabangi, ug nasayod pod ko, nga hangtod karon, dili pa gyod siya makatalikod sa sakop sa iyang banay nga tinuod gyong magkinahanglan og tabang. Hapit modaog si Dulce isip best supporting actress sa movie nga, “EMIR” ug gidayeg siya sa iyang role sa afternoon soap kaniadto nga, “Juanita Banana.” Dili pod siya malimtan sa ABS –CBN, kun duna kini dagkong mga kalihokan. May umaabot siyang usa ka TV special para sa GMA-7 titled, “Tinig.”

Loydie makig-duet ni Sarah

Guest si John Lloyd Cruz sa Sarah G. Live ni Sarah Geronimo sa ABS-CBN karong Domingo sa gabii. Gitakdang mag-duet pagkanta ang duruha.

Tawon sad

Gikatahong P300, 000 ra ang box- office gross sa pelikulang Bwakaw sa unang duha ka adlaw nga pagsalida niini sa mga sinehan lukop nasud, samtang ang Captive, mihipos og P200, 000.

Utang ni Osang

Gireklamo sa usa ka taxi driver si Rossana Roces kay wala matud pa kini mibayad sa P3000 nga abang sa iyang taxi, nga maoy ilang sabot adtong alas sais sa gabii adtong Lunes hangtud na sa alas kwatro sa kadlawon pagka Martes. Midangop ang driver nga si Narciso Abenio sa programang Wanted sa Radyo nila ni Raffy Tulfo ug Nina Taduran adtong Miyerkules, diin dihang gitawagan si Osang misaad kini nga mubayad na. Apan hangtud kagahapon sa buntag, wala pa mabayri ang nahisgutang kantidad.

Mag-shooting na

Milugwa kagahapon sila si Janice de Belen, Dimples Romana, ug Dennis Padilla sa story conference sa “Pamana” episode sa Shake, Rattle and Roll 14  didto sa Imperial Palace sa Quezon, City. Lakip sa apil pud sa maong episode sila si Arlene Muhlach, Gerald Pesigan, Eri Neeman, Fabio Ide, ug Ivan Dorschner. Nasayran nga entry kini sa Regal Films alang sa Metro Manila Film Fest diin comeback movie pud kini ni Quezon City Mayor Herbert Bautista. Si Direk Chito Roño   maoy direktor ug si Ricky Lee ang nagsuwat sa maong episode.

Sugtan basta makahuwat

Suma pa ni Kathryn Bernardo nga kun matinud-anon ug andam mupaabot ni Daniel Padilla, walay rason nganong dili niya sugton ang iyang ka-loveteam sa toprating primetime series sa ABS-CBN Princess & I.

Maghimo’g bata

Dili na mahinayon ang plano ni Angelika dela Cruz nga magpapili pagka konsehal sa Malabon sunod tuig nga eleksyon gumikan kay buot matud pa nila nga maghimo og bata sa iyang bana nga si Orion aron masundan na ang ilang three-year old nga anak.

Maghubo si Alden

Naghinamhinam, apan sa samang higayon nakulbaan pud si Alden Richards sa nagsingabot na nga Cosmopolitan Bachelor Bash karong September 18, didto sa World Trade Center, sanglit unang higayon kini niya nga murampa nga sexy. Hayan mag-boxer shorts o mag-brief lang matud pa siya sa maong okasyon, nga kanunay giatangan sa kababay-an ug kabayutan, matag tuig.

Naayo si Liezel

Suma pa ni veteran actor Albert Martinez namaayo na ang breast cancer sa iyang asawa nga si Liezel pinaagi sa stem cell therapy. Suma pa ni Albert nag-research siya og maayo kabahin sa unsay mahimong itambal sa balatian sa iyang asawa hangtud nga nalamdagan siya kabahin sa stem cell therapy. Blessing in disguise pa gyud niya pa kay may nahibalag siya nga doktor sa Medical City nga maoy mipasabot niya kabahin sa maong treatment, busa namasin sila.

Mona Louise diabetic

Sa edad nga otso anyos, diabetic na ang batang bida sa Aso ni San Roque sa GMA-7 nga si Mona Louise Rey. Ang hugyaw kay siya ra matud pa maoy mu-inject og insulin sa iyang kaugalingon kada adlaw aron makontrolar ang maong sakit. Six hundred fifty-eight po, pero ngayon, mga 200… 100. Dati po, nagpo-four hundred pa ako… five hundred,” saysay pa niya sa press kabahin sa gidaghanon sa iyang blood sugar.

Pagtarong gyud

Magtarong matud pa si Baron Geisler sa iyang trabaho karon gumikan kay laraw niya nga magpatukod og balay para sa iyang inahan. Human sa Asiong Salonga, naa pud siya sa El Presidente. Apil pud siya sa Pridyider sa Regal Films. Samtang giangkon ni Baron nga may “kilig factor” siya nga nabatyagan sa iyang ka-date karong panahona nga non-showbiz girl... Gikan sa PEP

GMA-7 nanghawod adtong Agosto

Nagkanindot na karong panahona ang ratings sa GMA-7 sa Kabisay-an ug Mindanao.

Kini basi sa Nielsen TV Audience Measurement, naglawig sa tibuok buwan sa Agosto ang GMA-7.

 Base sa talaan nila sa buwan sa Agosto (August 1 to 25 official data; August 26 to 31 overnight data), ang GMA nakaangkon og average nga 34% sa tibuok adlaw (6 AM to 12 MN) nga household audience shares sa National Urban Philippines, samtang ang ABS-CBN nakakuha og 32.7 %, ug 14.8 % usab ang TV5.

Sa milabay nga buwan ang GMA maoy nag-inusara nga broadcast company kung diin ang kinatibuk-ang adlaw nga household audience share sa tanang area (lakip na ang Visayas-Mindanao regions) misaka sa buwan sa Agosto, ilabi na sa evening block (6 PM to 11 PM), kung diin nakabaton kini og labing taas nga viewing levels.

Ang Nielsen TV Audience Measurement adunay sample size nga 1,190 homes sa Mega Manila batok sa Kantar Media nga duna la’y 770 homes. Ang Nielsen aduna pu’y nationwide sample size nga 2,000 homes kumpara sa 1,370 homes sa Kantar Media.

Standing ovation para sa Thy Womb

Nakadawat og lima ka minuto nga standing ovation ang pelikula ni Brillante Mendoza nga Thy Womb starring Superstar Nora Aunor didto sa nagpadayon karon sa Venice sa Italy.

Ang balita sa Philippine Entertainment Portal mao nga human sa premiere sa pelikula, mainiton ang reaksyon sa mga mitan-aw sa maong pelikula. “Thy Womb gets standing ovation at Venezia 69 premiere! Congratulations Brillante Ma Mendoza, Nora Aunor and the whole Thy Womb delegation!,” suma pa sa fanpage sa Noranians Worldwide (NOW).

“There was a five-minute standing ovation until the entire Philippine delegates left the cinema. Grabe! Overwhelming response!,” text message usab sa line producer sa pelikula nga si Larry ngadto sa PEP.

Kasamtangang nakigtigi ang Thy Womb isip Main Competition entry sa 69th Venice International Film Festival (VIFF).

Kauban nila ni Mendoza ug La Aunor nga mitambong sa maong festival sila si Lovi Poe ug Mercedes Cabral.

Diana, Gerald ug Cristine sa primetime

Sila si Cristine Reyes ug Gerald Anderson na pud maoy pareson sa ABS-CBN alang sa usa ka primetime teleserye.

Kini maoy gibutyag ni Diana Zubiri kagahapon human siya mipirma og kontrata isip labing bag-ong Kapamilya kagahapon sa hapon.

“Ngayon po pwede po nila akong abangan sa primetime,” ni Diana pa. “Makakasama ko po si Gerald Anderson at Cristine Reyes,” dugang pa niya.

Kahinumduman nga sa wala pa mibiya sa showbiz si Diana aron ipadayon ang iyang pagtungha, nakauban na sila ni Cristine sa pipila ka project sa GMA-7 kaniadto.

 ”Excited na excited po ako, kasi first time ko pa lang makakatrabaho si Gerald, plus primetime po,” nagkanayon siya…Gikan sa ABS-CBNnews.com

Loydie ug Shaina dili pa friends

Trip to any destination ang iregalo ni Bea Alonzo kang John Lloyd Cruz isip pagsaulog nila sa ilang ika-10 ka tuig isip mag-loveteam. Oras o bakasyon gyud unta maoy gustong ihatag ni Bea ngadto sa aktor, kun mapalit pa lamang kini.

Kining tanan maoy giluwatan ni Bea atol sa ilang pag-guest sa Kris TV ni Kris Aquino kagahapon sa buntag sa ABS-CBN, aron pag-promote sa ilang pelikula nga The Mistress, under Star Cinema ug mubukas sa mga sinehan lukop nasud karong Miyerkules.

Samtang gibuking ni Loydie nga “diamante” ang buot ni Bea nga madawat nga regalo gikan niya, apan nagduha-duha siya gumikan kay “intimate” ra matud pa kaayo kini tan-awon o isipon.

Pero giingnan si Loydie ni Kris kagahapon nga okay ra ang diamante nga ariyos gumikan kay 10 man usab sila ka tuig   isip loveteam, busa kinahanglan nga 1 karat kada tuig. Buot pasabot 5 karats matag usa aron 10 karats tanan ang usa ka paresan.

Samtang sa maong pag-guest nila nasuta nga dili friends si Loydie ug ang kanhi niya uyab nga si Shaina Magdayao.

“Hindi kami nagkikita. Hindi kami nagkakausap. I can‘t say na we‘re friends,” angkon ni Loydie dihang gipangutana ni Kris kumusta sila ni Shaina.

Ania sa Sugbo karong adlawa sila si Bea ug Loydie aron i-promote ang The Mistress pinaagi sa usa ka show diha sa SM Cebu, alas kwatro sa hapon.

Mr. & Ms. Olive C Campus Model

Mag-abot karong alas tres sa hapon (3p.m.) sa Robinson’s Fuente Activity Area ang 30 ka mga maanyag ug ambongang mga batan-on alang sa Mr. & Ms. Olive-C Campus Model 2012 Cebu Leg Talent Competition and Press Presentation.

Lakip sa mga magtigi mao silang Joseph Romer Enriquez, University of San Jose Recoletos,Marlon Tansengco Cebu Institute of Technology;Nimrod Shem Aro, University of San Jose Recoletos; Junichi L. Yabushita,   Cebu Doctor’s University; Luis Lagunay Jr.,Velez College; Mark Ian Potencioso,  University of Cebu Banilad, Matt Erickson Malagar, Cebu Normal University,Julio Miguel R. del Rio, University of San Carlos Talamban Chapter, Gibsonee Paquibulan,  University of San Carlos Talamban, Lyrey Yves Campos, Velez College;Deo Angelo Berido, Cebu Institute of Technology; Troy C. Rizon, Cebu Technological University; Santiago Gio M. Sevilla, University of Visayas Main Campus; ug Darren P. Reves,  University of Cebu Banilad, Nathaniel D. Tiu.

Ang mga babaye mao sila si Julie Queen C. Igot, Philippine State College of Aeronautics; Jessa Marie Jane S. Cariaga, Cebu Normal University; Karen Kate G. Jagdon, Cebu Doctor’s University; Guada Mikka Abenoja, University of San Jose Recoletos; Aivy Mae Rosell Castro, University of Cebu Main Campus; Marie Shane S. Ortega, Advance Insitute of Technology; Meriam Marie F. Epe, Cebu Normal University; Brigitte Tañoja Burato, University of San Carlos Main; Patrice Joy Bonghanoy, University of San Jose Recoletos; Maria Cassandra Y. Yu, University of San Carlos Main; Catherine Cuerpo, University of San Carlos Main; Sushmita Ann Mae A. Godoy, St. Thomas School Montessori; Kharyn Kate V. Odever, Cebu Normal University; Rhona Marie M. Lopez, Cebu Doctor’s University; ug Rowhe Ramos, University of Cebu Main Campus.

Tabangan nato ang UV Chorale

Gikatakdang makigtigi sa nagkadaiyang choral competition sa Europe sunod buwan ug sa Nobyembre ang bantugan na kaayong UV Chorale, ang labing unang grupo gikan sa Sugbo alang niining maong mga panagtigi sa mga banggiitang choral groups didto sa maong kontinento. Pwes, ang kadaugan sa UV Chorale dili lamang para sa tunghuan o sa Sugbo, kundili para sa tibuok Pilipinas, diin tataw nga subling maila sa tibuok kalibutan ang talentong Pilipinhon.

Apan kay halayo man ang ilang sulngon nga indigay, nanginahanglan kini og igong kantidad aron mahatagan og katumanan ang nahisgutang katuyuan. Gumikan niini nanuktok ang UV Chorale sa tanang mga Sugbuanon nga may malumo nga kasingkasing nga abagan sila sa panginahanglanong pinansyal. Ang suporta alang sa pagpalambo ug pagpakaylap sa Sugbuanong talento mahimong ibubo pinaagi sa Gcash, usa ka “micro payment feature” alang sa Globe ug TM subscribers.

Aron makatabang, irehistro ang inyong Globe ug TM simcards ngadto sa Gcash service pinaagi sa pagdial og *143# ug pilia ang GCash. Kun rehistrado na, ipa-convert ang imong cash ngadto sa Gcash pinaagi sa Cash-in system sa nagkadaiyang retail stores sama sa Prime Asia branches, Villarica Pawnshops, Rural Bank of Bogo and Katipunan, Globe Telecom ug uban pang Gcash authorized outlets. Text DONATE (space)AMOUNT (space) MPIN (UV_Chorale) ug ipadala sa 2882. Example: DONATE 500 1234 UV_CHORALE send to 2882.

Mahimo usab nga mutabang direkta sa UV Chorale pinaagi sa pagtawag kang Marvin Mantalaba sa University of the Visayas sa telepono (032) 416-8826 ug 0905-410-4289.