Sila ang sumusuporta sa mga artista: John Lloyd at Angelica nakakalimot na may pananagutan sa publiko

Hindi maaaring sabihin nina John Lloyd Cruz at Angelica Panganiban na walang paki sa kanila ang publiko. Puwedeng hindi na lang nila pansinin ang opinyon ng mga tao at ipagpatuloy ang inaakala nilang tamang ginagawa nila pero sa kalaunan, bibigay din sila, dahil ang mga tao naman ang naglagay sa kanila sa kinalalagyan nila. Lalo’t ang relasyon nila ay nangangailangan ng basbas ng nakakarami.

Huwag kalilimutan ng dalawa na mga artista sila, itinuturing na public figure at sa gusto’t ayaw nila ay pakikialaman at pakikialaman ng lahat. Not unless, tatalikuran nila ang trabaho nila at magiging private citizen na lamang. Pero hangga’t artista sila, they will always be subject to public scrutiny. May pakialam sa kanila ang publiko.

Jillian initsapuwera na ng GMA 7

Akala ko naman umaatikabong iyakan na naman ang Aso ni San Roque. Hindi pala, dahil horror din ito, tungkol sa labanan ng mortal at mga aswang.

Ang Aso ni San Roque lamang ang magsisilbing tagapag-tanggol ng isang bata laban sa kasamaan ng aswang at iba pang masamang nilalang sa mundong ito.

Interesting ang plot at ano kaya ang masasabi ni Jillian Ward sa claim sa teaser ng bagong serye na si Mona Louise Rey na ang pinakamagaling o pinakasikat ba to that effect, na batang artista hindi lamang sa bakuran ng GMA 7 kundi sa buong showbiz?