Party Pilipinas proud sa Pinoy

Ngayong Linggo (Sept. 2), kung kayo ay proud sa inyong sarili at masayang maging isa sa Kapuso artists, maki-join sa pagdiriwang bilang inspired individual kasama ang Party Pilipinas sa kanilang Proud episode.

Magsisilbing opening number ng programa ang singer na si Regine Velasquez-Alcasid kasama sina Dennis Trillo, Julie Anne San Jose, Solenn Heussaff, Bianca King, and more stellar Party Pilipinas performers. Susulpot din ang rap star na si Gloc-9 para pagandahin ang mood sa kanyang hits ngayong Linggo.

At para punuin ng emosyon ang inyong puso, pakinggan ang musika nina Jennylyn Mercado, Heart Evangelista, Jake Vargas, Bea Binene, Janine Gutierrez, Rita de Guzman, Kylie Padilla, at Aljur Abrenica sa pagsunod nila sa inyong mga requested song sa Love, Party Pilipinas segment! 

Sa Sayaw Pilipinas, ang Gurl Squad ay magpapakita sa shows kung paano maging proud sa kanilang moves, kasama ang Sayaw Pilipinas crew at YouTube sensation Kimpoy at ang newest Kapuso hunk, Rafael Rosell.

Ang darling duo na sina Julie Anne at Frencheska Farr ay iwawagayway ang kanilang flag para sa mga kababaihan habang ang crush ng bayan na sina Alden Richards, Elmo Magalona, Kristoffer Martin, Derrick Monasterio, at Jake Vargas ay magpapakitang gilas. 

Magsi-celebrate naman ng kanilang birthdays sina Kris Lawrence, Aira ng Sexbomb, at Louise delos Reyes na may cool number with Alden Richards.  

Ang mga biriterang sina Kyla, Jonalyn, Krizza, Lovely, Zendee, at Jaya ay hahataw sa kanilang beat Pinay-powered soul performance! Maki-sing along ng inyong favorite Kapuso artists sa Party Pilipinas all stars at maki-chill out sa acoustic sound performed ng mga topnotch vocalist, kasama sina Kat ng Sinosikat at Cathy Go.

Abangan ang sariling beat ng JuliElmo production at ng Sana ay Ikaw na Nga special number sa up and coming Kapuso stars nina Mikael Daez and Andrea Torres.

Isa namang intense at exciting number ang iri-reveal sa Party Pilipinas ng premiere bands na RiverMaya at General Luna. 

Maki-celebrate sa maraming rason kung bakit tayo dapat proud ngayong Sunday, 12 noon, sa Party Pilipinas.