Beauty-Queen Ways

Maayong Domingo! Ubay-ubay na sad ang mga nangutana nako sa akong kasinatian ug kaagi sa pagkab-ot sa akong damgo nga mamahimong beauty queen. Ug karong buwan sa Septiyembre, paambitan nako diha ninyo ang akong mga nakat-unan.

Ang labing unang aspeto nga imong andamon kung ikaw gusto moapil og mga beauty pageants mao ang imong hunahuna. Diha magsugod ang tanan. Kung ikaw gusto makadaug, kinahanglan nga kanunay nimong hunahunaon nga ikaw makadaug. Kung kini imong huna-hunaon, imo usab kini nga mabatyagan. Ug kung unsa imong gibati, mao kini imong buhaton. Mao kana ang among gitawag og Circle of Success. Mao na nga positibo gyud na kanunay imong huna-hunaon. Kay kung ikaw maghuna-huna nga mapildi, mabatyagan kini nimo ug ikaw mapildi gayud.

Aniay mga tips para makatabang kanimo aron ikaw mahimong usa ka WINNER:

1. Para ikaw modaug, kinahangalan aduna kay kumbinasyon sa pangutok, kaanyag, pamarog, personalidad, ug pagsalig sa kaugalingon.

2. Ang pagka beauty queen dili lamang titulo, usa kini ka dalan sa kinabuhi. Buot pasabot, kung ikaw mahimong beauty queen, barugan na gayud nimo kini hangtod sa hangtod.

3. Tuohi imong kaugalingon ug ang tanan nga imong mabuhat.

4. Ipatigbabaw ang imong mga maayong kalidad, inay ang pagtutok sa imong mga kakuwangan o dili mabuhat.

5. Ilisi ang mga negatibong paghuna-huna ug mga abiba o kadasig sa kaugalingon.

6. Ihapa imong mga grasya, imbes sa mureklamo sa mga butang nga wala kanimo.

7. Likayi ang pagkumpara sa imong kaugalingon sa uban.

8. Pagkat-on sa pagkatawa diha sa imong mga sayop ug pagtuo nga imong mapabarug imong kaugalingon human sa ka pakyas sa kinabuhi.

9. Ablihi imong kaugalingon ug huna-huna sa mga lain-laing posibilidad ug mga bag-ong ideya

10. Kung ikaw dili magmalampuson sa unang higayon, tindog ug balik ug ayaw og hunong sa pagkab-ot sa imong gusto.

Sa sunod Domingo, atong palawman pa kini pinaagi sa pagkat-on sa mga basics sa make –up. Atangi!

Pangutana kabahin sa gihisgutan karon? Ipadala sa 0943-431-4567, dungan sa imong ngalan ug address, sa dili pa ang 12 noon karong adlawa, September 2, 2012.

Again kinahanglan nga ang imong pangutana, para kang 2006 Bb. Pilipinas-World Anna Maris Igpit kabahin lang sa gihisgutan karon.

Water

Treatment 

Sikat karon didto sa Japan  ang  pag-inom dayon og tubig sa pagbangon sa sayong buntag.

Pipila ka mga scientific tests na ang nagpamatuod sa ka bililhon sa tubig ug ka epektibo niini sa pag-ayo sa mga sakit-sakit.

Suma pa, ang kalampusan sa water treatment namatud-an sa Japanese medical society nga 100%  nga maka-alim sa nagkadaiyang balatian sama sa labad sa ulo, panakit sa lawas, heart system, arthritis, kusog nga heart beat, epilepsy, pagpanambok, bronchitis, asthma, TB, meningitis, kidney ug  urine diseases, problema sa pagpagawas sa hugaw, gastritis, diarrhea, diabetes, constipation, mga sakit sa mata, cancer,  menstrual disorders, ug mga sakit sa ilong ug dunggan.

Pamaagi

1. Sa dili pa ka mag-toothbrush inig mata nimo sa buntag,  inom og upat ka baso nga (160ml kada baso) nga tubig.

2. Limpiyohi dayon ang imong baba apan ayaw una og kaon o inom  sulod sa 45 minutos.

3. Human sa 45 minutos mahimo na ka mokaon ug moinom.

4. Human sa 15 minutos nga pagpamahaw, paniudto ug panihapon,  ayaw dayon og kaon ug inom sulod sa duha ka oras.

5. Kadtong mga edad-edaran ug masakiton nga maglisod og inom og upat ka baso nga tubig, mahimong anam-anamon nila ang pag-inom sulod sa usa ka adlaw hangtud nga maabot sa susama lang gihapon nga gidaghanon.

6. Ang  nakasuwat sa ibabaw makatabang gyud sa pagpaalim sa nagkadaiyang sakit ug ang uban makabaton og himsog nga lawas.

Gidugayon

 Mao kini ang tamdanan unsa ka dugay o pila ka adlaw ninyo nga himuon ang water treatment:     

1. High Blood Pressure (30 days)

2. Gastric (10 days)“3. Diabetes (30 days)“4. Constipation (10 days)“5. Cancer (180 days)“6. TB (90 days)“7. Ang mga nagbaton og Arthritis mohimo og treatment sulod lang sa tulo ka adlaw (3 days) sa unang semana samtang  kada adlawon na nimo kini sa ikaduhang semana, hangtud na nga makabatyag og alibyo.

Ang maong  treatment method wala’y  side effects, apan dili malikayan ang pagsige og  pangihi.

Kanunaya ang pag-apply sa nahisgutang treatment . Inom og  tubig ug ipabilin ang himsog nga panglawas. (Andenmiles, gikan sa Facebook account sa General Knowledge)