Kever ang show

Bisan gi-deny na ni Ruffa Gutierrez ang isyu nga naglambigit sa iyang pangalan ngadto kang Derek Ramsay, gitataw sa aktres nga dili problema alang kaniya nga ma-link sa aktor sanglit gihulagway niya kini nga hot guy.

Venus himoong komedyante

Gawas sa horror movie, gikatakda usab nga malakip ang beauty queen nga si Venus Raj sa umaabot nga romance comedy film sa Regal kung diin suwayan niya ang pagpakatawa sa mga tawo busa excited na kaayo siya niini gumikan kay ipaneguro niya nga mahugyaw ang mga tawo sa iyang pag-arte.

Direktor si mama

Tsika pa ni Gina Alajar nga hugyaw ang pagdumala niya isip direktor sa afternoon series sa GMA-7 nga Magdalena gumikan kay una kini nga higayon nga makatrabaho ang iyang anak nga si Ryan Eigenmann .

Andi sexy gihapon

Todo ang pagpa-sexy ni Andi Eigenmann sa iyang pag-pose sa cover sa Circuit Magazine alang karong buwana nga isyu ug giingong nagpabilin gihapon ang sexy nga figure sa lawas sa aktres.

Bonding gihapon

Matud pa ni Richard Gutierrez nga padayon gihapon sila nga manuroy ni Sarah Lahbati

atol sa mga bakante nila nga oras bisan pa man mahuman na ang serye nila nga Makapiling Kang Muli.

Gerald ug Cristine magpares

Suwayan na usab ang chemistry nila ni Gerald Anderson ug Cristine Reyes sa TV screen ug giingong aduna sila’y umaabot nga drama series sa ABS-CBN apan wala mahisgoti ang titulo niini.

Special guest

Naghinam-hinam na si Krizza Neri sa umaabot nga silver anniversary concert sa iyang mentor nga si Aiza Seguerra karong September 28 gumikan kay siya ang special guest niini.

Enchanted Garden gi-extend

Nagmaya ang tibuok cast ug crew sa Enchanted Garden sa TV 5 gumikan kay extended kini gikan karong buwana hangtud na sa buwan sa Nobyembre.

(Sanden J. Anadia)