Music video ni Taylor giatngan

CEBU, Philippines - Giatngan na pag-ayo sa mga fans sa singer nga si Taylor Swift ang pagpakita sa music video sa hit song niya nga “We Are Never Getting Back Together” nga ipakita karong gabii pinaagi sa MTV. Samtang gikatakda usab nga mo-perform si Taylor sa MTV Video Music Awards karong September 6.

Naghubo samtang nag-record

Linahi na usab ang pamaagi sa pop star nga si Lady Gaga sa pag-record sa ikatulo niya nga album.Suma pa sa migawas nga mga taho nga naghubo gyud tanan ang singer sa pag-record sa iyang mga kanta. Nagtoo si Lady Gaga nga monindot ang iyang vocal performance kung mokanta siya nga walay sapot.

Robert mobaligya sa balay

Ibaligya matud pa sa aktor nga si Robert Pattinson ang balay nga gipuy-an nila sa kanhi niya uyab nga si Kristen Stewart. Ang maong mansion nahimutang sa Los Angeles nga nagkantidad og $6.3 million. Kahinumduman nga nagbuwag ang duha human nakigrelasyon si Kristen og laing lalaki. Dili ganahan makahuna-huna si Robert sa mga kaagi nila ni Kristen hinungdan nga ibaligya niya ang mansion.

Justin sa X-Factor

Molugwa sunod adlaw sa programang X-Factor didto sa Amerika ang sikat nga singer nga si Justin Bieber. Mahimong celebrity guest mentor si Justin sa grupong L.A. Reid. Tsika pa ni Justin nga nakatikang na siya kaniadto sa maong show sa dihang nag-promote siya sa iyang mga kanta.

Cool Down

Gikatahong padayon nga gihangop sa mga tawo sa nagkalain-laing dapit sa kalibutan ang taud-taud na nga awit sa grupong Kolohe Kai nga nag-ulohan og Cool Down. Ang grupo usab maoy nagkanta sa sikat na kaayo nga Ehu Girl. (Gikutlo ni Sanden J. Anadia gikan sa wires)