Bukol sa kidney ni Zsa Zsa natanggal na
Tagumpay ang ginanap na operasyon ng Divine Diva Zsa Zsa Padilla. Mismong ang anak niyang si Zia ang nagbalita sa kanyang Twitter account : “Surgery was a success! As far as the doctors could tell it has not spread anywhere else. Thank you everyone for your prayers and support.”
Tinanggal ang mala-golf ball na bukol ni Zsa Zsa sa kidney sa Cedars-Sinai Medical Center sa Los Angeles, California kahapon.
Nag-alala ang lahat nang aminin ni Zsa Zsa na may Stage 1 cancer siya.
Sinagot ni Dra. Vicki Belo ang lahat ng gastos sa operasyon ng naulila ng comedy king Dolphy.
Movie ni Eddie Garcia, nakakuha ng 100% tax rebate
Graded A (100% tax rebate) ng Cinema Evaluation Board (CEB) ang indie film na Bwakaw na pinagbibidahan ni Eddie Garcia. Kung sabagay maganda naman talaga ang pelikula. Seryosong nakakaaliw ang kuwento na tungkol sa isang matandang nag-iisa sa buhay pero inaalagaan ang isang asong kalye na parang isang anak. May kakaibang twist ang movie na nagpaganda sa kuwento.
Magkakaroon ng commercial exhibition ang pelikula sa September 5. Ang Star Cinema ang magre-release ng Bwakaw.
Andi limot na ang mukha ni Albie Casiño, JM binitin ang pridyider
Hindi sinipot ni JM de Guzman ang presscon ng Pridyider kahapon, ang unang pelikula niya sa Regal Films. Naloka tuloy ang mga naghintay sa kanya dahil hanggang sa natapos ang presscon walang JM na umapir. Kaya ang ending nakatikim siya ng panlalait sa mga andun.
Sinayang niya ang chance. Pelikula pa naman nila ito ni Andi Eigenmann na isa pa ring late nang dumating. Pero mabuti na lang at alisto naman si Andi sa pagsagot sa mga tanong sa kanya kaya nakabawi siya.
Kung sabagay ang mag-inang Lily at Roselle Monteverde ang sumuporta kay Andi nung mabuntis siya. Nangako ng suporta ang mag-ina na oras na makapanganak na ito, ay agad nilang bibigyan ng trabaho. Tinupad ng Regal. Natapos na nila ang Pridyider (refrigerator). Buntis na noon si Andi ay binigyan pa siya ng Mamarazzi at isang episode sa Shake, Rattle & Roll.
Kaya naman walang kaabog-abog na tinanggap niya ang Pridyider. “Ako naman talaga ang nagsabi noon pa kay Mother Lily na gusto ko talaga horror. Kasi as a little kid, ang dami ko na po talagang napanood na horror movie sa Regal, so I just want to be part of it,” sabi niya.
Sinabi niya rin na tapos na ang masalimuot na estado ng kanyang buhay. In fact, kahit daw mukha ng ex ay limot na niya.
“Alam ko sa buhay ko na ’yang mga bagyo, hindi naman ’yan mawawala. Babalik at babalik din ’yan. Ang kailangan lang nating gawin ay maghanda palagi at dapat handa tayo to go through it at bumangon ulit at the same thing, go through everything we go through in life with a smile on our faces,” paliwanag niya tungkol sa nangyari sa relasyon nila ng ama ng anak niyang si Albie Casiño.
Ngayon ay masaya na siya sa piling ng anak niyang si Ellie.
Wala na rin siyang care kahit pa may ibang karelasyon na si Albie.
May boyfriend na kasi siya, si Jake Ejercito na anak ni ex president Joseph Estrada na nag-aaral sa ibang bansa.
“He will always be special to me. I don’t know nga lang kung special ako sa kanya. Hahaha!’ pagbibiro niya sabay tanggi naman sa sinasabing relasyon nila ng anak ni Sen. Ping Lacson na si Jek. Kaibigan lang daw niya ito at marami silang common friends.
Anyway, anak nina Janice de Belen at Joel Torre si Andi sa pelikula. Ang kuwento, pinapunta siya sa ibang bansa upang hindi masangkot sa gulo ng magulang. Sa kanyang pagbalik sa bansa, tumira uli siya sa bahay na ipinamana ng magulang na namatay nang hindi naman niya alam.
Doon na nag-umpisa ang misteryo sa paggamit niya ng pridyider na nangangain pala ng tao.
Showing sa September 19 ang pelikula na pinaka-hit na episode sa isa sa mga Shake, Rattle & Roll noon na bida si Janice.
- Latest
