Career move ni Heart

CEBU, Philippines - News and Public Affairs na matud pa ang rota sa career nga buot subayon ni Heart Evangelista sa musunod nga mga adlaw ug ang iyang paghulip kang Pia Guanio isip segment host sa 24 Oras sa GMA-7 maoy sinugdanan.

Kini maoy nasayran sa Banat News Hugyaw gikan sa usa ka kasaligan kaayong tinubdan adtong Biyernes.

Gani karong gabii sa GMA News TV, si Heart pud ang temporaryong mo-host sa toprating show, Ang Pinaka, isip host ni Rovilson Fernandez.

Kahinumduman nga original nga host pud niini si Pia, apan iya kining gibuhian dihang labihan na ka puno sa iyang schedule gumikan sa daghan usab niyang shows, hinungdan nga si Rovilson ang misawo.

Kasamtangan karon nga nag-maternity leave si Pia.

Samtang suma pa sa tinubdan nga gitambagan si Heart sa iyang bestfriend nga si Senator Mirriam Defensor Santiago nga mas maayo nga gamiton niya ang iyang kasikat sa pagserbisyo sa katawhan ug sa pamaagi nga makatabang siya sa iyang isigkatawo.

Kylie ug Dingdong

Si Dingdong Dantes ang leading man ni Kylie Padilla sa sunod niyang teleserye sa GMA-7 nga may working title nga “Haram.” Una kini nilang panagpares ug gikalipay kini ni Dong sanglit nakita matud pa niya diha kang Kylie ang kagustuhan niining makat-on isip aktres.

Kuota ang bulsa

Giangkon ni Representative Manny Pacquiao nga ang mga premyo nga iyang ipanghatag sa iyang game show sa GMA-7, Manny Many Prizes matag Domingo naggikan mismo sa iyang kaugalingong bulsa.

Breach of Contract

Giangkon ni Iwa Moto nga nasakitan siya sa pagpasaka og kasong breach of contract sa GMA-7 batok niya, sanglit sa iya matud pa nga paglugwa sa TV5 wala matud pa siyay napirmahan nga kontrata.

Nagtuo si Iwa nga masulbad ra ang maong sitwasyon ug miscommunication lang ang nahitabo.

Tanya mitiyabaw

Giangkon ni Tanya Garcia nga puwerti niyang hilaka gumikan sa kalipay sa dihang nasayran niya nga iremake sa GMA-7 ang gibidahan nila ni Dingdong Dantes nga serye kaniadto nga Sana Ay Ikaw Na Nga.

Luigi i-partner kang Jolens

Ang anak nila ni Aga Muhlach ug Janice de Belen nga si Luigi o Iggy Boy Muhlach maoy napilian sa GMA-7 nga mahimong co-host ni Jolina Magdangal sa bag-ong cooking show sa maong network nga Del Monte Kitchenomics.

Deny ang show

Gidudahan nga mahadlok lang si Mikael Daez nga maapektohan ang afternoon series niya nga Sana Ay Ikaw Na Nga hinungdan nga subli niya nga gi-deny ang isyu nga matud pa duna sila’y relasyon ni Megan Young kinsa kanunay niya kauban sa mga laag.

Kimpoy nia sa nasud

Naabot na sa nasud niadtong Biyernes ang Twitter star nga si Kimpoy Feliciano gikan sa New Zealand ug moistar siya dinhi sa nasud sulod sa napulo ka adlaw aron i-record ang iyang album ubos sa Universal Records ug gipaabot usab ang nagkadaiya niya nga TV guestings.

Grade A

Grade A ang gihatag sa Cinema Evaluation Board sa musical film nga I Do Bidoo Bidoo nga gibituonan nila ni Gary Valenciano, Zsa Zsa Padilla, Eugene Domingo, Ogie Alcasid, Tippy Dos Santos, ug Sam Concepcion.

Zac motikang sa Pilipinas

Gikatakdang motikang sa Pilipinas sunod bulan ang Hollywood star Zac Efron aron i-promote ang gi-endorse niya nga local clothing brand.

Hugyaw og intro

Nahimuot pag-ayo si Donita Rose sa dihang nitambong og usa ka dakong event kung diin gipaila-ila siya sa katawhan isip "the first Pinay to be on the cover of Time magazine" ug "one of the most popular MTV VJs in Asia…. Kinutlo ni Sanden J. Anadia gikan sa www.starmometer.com, www.abs-cbn ug www.pep.ph.