Talents sa Dos dili suportado
CEBU, Philippines - Makaluluoy ang ABS CBN artists nga lakip sa musical movie nga I Do Bidoo Bidoo kay wala silay klarong suporta nga nadawat gikan sa network, dili sila maka-promote sa ilang movie sa mga shows niini.
Lakip sa cast sa movie nga gihatagan og A sa Cinema Evaluation Board mao sila si Gary Valenciano, Zsa Zsa Padilla, Sam Concepcion, Tippy Dos Santos ug Kiray Celis. Labihan ang paghangyo sa promo department sa movie aron maka guest sila sa shows sa Dos. Mutando matud pa ang mga natungdan apan kun magkaduol na ang adlaw sa show, ikanselar niini ang guesting.
May movie pud ang Skylight Films nga sister company sa Star Cinema nga kadungan sa playdate sa IDBB busa migrabe ang sitwasyon.
Ang ending, sa GMA-7 ra ma-promote ang movie sanglit apil man pud niini si Ogie Alcasid.
Boy ug Kris isip endorsers
Murag mahinayon ang pagkuha ni Mother Lily kanila ni Boy Abunda ug Kris Aquino isip endorser sa iyang gipanag-iya nga Imperial Palace Hotel.
Mihatag si Mother og belated birthday dinner nila ni Boy ug Kris last Thursday diin gipatilaw sila sa producer sa mga gipasigarbong luto ni Chef Sau. Nagustuhan kaayo ni Kris ang scallops nga lakip sa giandam para nila.
Under renovation karon ang Imperial. Under renovation karon ang Imperial, inig kahuman niini, moderno na nga hotel ang masud-ong sa dili madugay…Jun Nardo/PSN
- Latest
