Carmina at Zoren parehong mahiyain kaya sa huwes lang pakakasal
MANILA, Philippines - Matapos ang 14 na taon na pagsasama, kinumpirma kamakailan ng Lorenzo’s Time lead star na si Carmina Villaroel ang balak nila ni Zoren Legaspi na magpakasal sa huwes ngayong taon.
“Ayoko ’yung malaking wedding kasi unang-una mahiyain kaming dalawa. We want it to be really, really simple. Kumbaga family lang talaga,” kwento ni Carmina.
Ngunit ayon sa aktres, bagama’t hindi pa sila ganap na mag-asawa, masayang-masaya siya sa buhay kasama si Zoren at ang kanilang kambal na sina Mavy at Cassy. “Hindi siya ‘yung pangkaraniwang relasyon. Sobrang swak si Zoren sa akin dahil naiintindihan niya ako at hinahayaan niyang maging ako. Hindi rin ako magiging ganito, kung hindi dahil sa kanya,” ani Carmina.
Samantala, naging mas memorable naman ang birthday ni Carmina ngayong taon dahil ipinagdiwang niya ito sa set ng top-rating Primetime Bida teleserye niyang Lorenzo’s Time.
“Sa taping ako nag-celebrate. Ang saya kasi kinantahan nila ako, may birthday cake, may balloons, at wala kaming ginawa kundi kumain nang kumain,” kuwento niya.
Pag-ulan ng Snowmas pinalakas pa sa Snow World
Naiibang attraction ang makikita ngayong taong ito sa mga bibisita sa Snow World sa Star City.
Sa taong ito, ang makikita sa pagpasok doon ay isang giant Octopus, mga malalaking isda na hindi karaniwang nakikita at isang sea horse at marami pang ibang creatures na matatagpuan lamang sa malalim na dagat na karaniwang natatakpan ng yelo.
Sa lugar na karaniwan na ang yelo, madalas na may bahagi ng karagatan na natatakpan ng makapal na yelo, subali’t sa ilalim ng makapal na yelong iyon ay nagpapatuloy ang buhay para sa maraminng mga isda at iba pang hayop. Iyan ngayon ang ipakikita ng Snow World.
Ang mga makikita ninyong ice figures ay gawa ng mga mahuhusay na Pilipinong iskultor ng yelo, base sa mga under water pictures na nakuha ng Snow World.
Ngayong taong ito, mas malaki, at mas exciting ang giant ice slide, at mas malakas ang pag-ulan ng snow. Sa tulong din ng mga bagong kabit na electronic visuals, naging mas maganda ang kapaligiran habang kayo ay namamasyal na malamig na snow.
Isang bagay ang sinisiguro ng imbentor ng snow machine ng Snow World na si Thomas Choong. Ang inyong pamamasyal sa Snow World ay mas naiibang karanasan.
Luna at Blanca nag-komprontahan na!
Dahil sa tulong ni Devolas, nakuha ni Anino na magpanggap na Blanca. Nakalapit tuloy si Anino kay Joaquin.
Nakita ito ni Kiko at nasabi kay Luna kaya sinumbatan nito si Blanca.
Muling niyaya ni Joaquin si Blanca na mag-joy-ride, wala siyang kaalam-alam na si Anino ang kanyang niyaya.
Hindi naman makapaniwala si Blanca na gusto rin pala ni Luna si Joaquin.
Unti-unti nang nakakakutob si Divine na may babae si Luis. Lalayuan ni Blanca si Joaquin para kay Luna.
Kakabahan si Rowena dahil laging may maitim na usok na nakasunod sa kanya.
Magugulat si Blanca dahil gusto siyang ligawan ni Joaquin.
Kahit na masakit sa kanya, babastedin ni Blanca si Joaquin. Muntik nang makuha ni Devolas si Rowena. Buti na lang at suot ni Rowena ang anting-anting.
Masasaktan si Kiko dahil makikita niya na magkayakap sina Luna at Joaquin.
Makikita ni Divine si Rowena.
Kokomprontahin ni Luna si Blanca dahil sa pagsisinungaling nito. Magtataka naman si Blanca dahil wala naman siyang ginagawang masama kay Luna.
‘Yan at marami pang iba ang magaganap sa sinusubaybayang Luna Blanca sa GMA 7 na napapanood gabi-gabi pagkatapos ng 24 Oras.
- Latest
