Daniel Padilla pinakamabilis nagka-platinum!

Manila, Philippines -  “Fastest album to turn platinum.” Ito ang buong pagmamalaking pahayag sa ASAP 2012 ng audio content manager ng Star Records na si Jonathan Manalo nang igawad niya kay primetime TV prince Daniel Padilla ang platinum record award nito para sa self-titled debut album niya. Wala pang tatlong buwan mula nang i-release ang album ng Princess and I leading man ni Kathryn Bernardo ay naabot na nito ang platinum record status matapos bumenta ng mahigit 20,000 na kopya.

Bukod sa carrier single niyang Hinahanap-hanap Kita, bahagi rin ng album ang mga kantang Pagsubok, Paniwalaan Mo, Prinsesa, Grow Old With You, at Ako’y Iyo Ika’y Akin Lamang.

Mabibili pa rin sa record bars nationwide ang debut album ni Daniel.