Album ni Daniel platinum na

CEBU, Philippines - Nahimo na nga platinum ang ang debut album sa young actor nga si Daniel Padila sukad sa tulo ka buwan pa lang nga pag-release niini.

Ang platinum plaque gitunol kang Daniel atol sa programang "ASAP 2012" niadtong Domingo pinaagi sa composer ug audio content head sa Star Records nga si Jonathan Manalo kinsa misaysay nga ang album sa aktor maoy labing paspas nga album nga nahimong platinum karong tuiga.

"Maraming salamat po. Parang wala akong masabi ngayon. Gusto kong pasalamatan syempre unang-una ang Diyos. Maraming salamat sa inyo, sa mga fans, supporters sa inyo po ito," suma pa ni Daniel.

Nag-ulohan og "Hinahanap-Hanap Kita" ang debut album ni Daniel kung diin nahulma kini human nadiskubrihan ang iyang tingog sa dihang mi-guest siya kaniadto sa programang Gandang Gabi Vice.

Carmina naghinam-hinam na mopaso

Tsika pa ni Carmina Villaroel nga mahiligon gyud sa mga sorpresa ang partner niya nga si Zoren Legaspi busa naghinam-hinam na siya pag-ayo sa ilang kasal nga wala pa’y final nga petsa.

Nasayran nga mo-propose na unta si Zoren kang Carmina sa dihang nibakasyon sila sa Japan dili pa lang dugay apan wala kini madayon gumikan kay wala pa ma-activate ang credit card sa aktor sa dihang mopalit na unta kini og singsing sa maong nasud.

"Sobra na akong nata-touched. “Hindi man nangyari yung sa cherry blossom, okay lang, at least napag-isipan niya. “Alam mo yung inabala niya, somehow … hindi nga lang nag-work yung credit card,” matud pa sa aktres. Suma pa ni Carmina nga posibleng sulod karong tuiga ang seremonya sa kasal nila ni Zoren. “I think this is the right year, so hopefully, God willing,” suma pa ni Carmina.