May isa pang checkup sa Aug. 27, Eric Quizon concerned sa kalagayan ni Zsa Zsa
PIK: Panibagong challenge kay Epy Quizon ang role na gagampanan niya sa Katy the Musical na magsisimula na sa susunod na taon.
Gagampanan niya ang role ni Golay na dating screen name ng Daddy niyang si Dolphy.
Nang kinausap siya ng mga producer nito na sina Carl Balita, Robert Seña, at Tricia Amper-Jimenez, natuwa siya na sa kanya ito ipinagkatiwala pero naalangan din siya dahil baka hindi niya kayang i-perform ang mga ginawa ng kanyang ama.
“Sabi ko nga, I would love to but I’m not my father. So, don’t expect me to dance like him. I can probably look like him, but I don’t know if I can dance like him.
“Marami na rin naman akong challenge na inoohan sa buhay ko. So, this will be another one of them ’di ba? To be like my dad, we’ll try,” pahayag ng aktor.
Itong Katy the Musical ay joint venture ng Spotlight sa Congressional Spouses of the Philippines.
PAK: Sa ginanap na misa para sa 40th Day ng kamatayan ni Dolphy na ginanap sa Heritage Memorial Park nung kamakalawa ng umaga, in-announce ni Epy ang kanyang Pidol Golf Club ngayong araw na gaganapin sa Eastridge Golf Club sa Binangonan, Rizal.
Ang proceeds nito ay mapupunta sa Dolphy Aid Para sa Pinoy Foundation na kung saan merong dalawampung recipients na mabibigyan ng scholarship.
Ini-announce na rin ni Eric Quizon ang Dolphy Alay Tawa, isang tribute benefit concert na gaganapin sa SM Mall of Asia Arena sa Aug. 31. Dito magsasama ang mga malalaking artist ng tatlong higanteng TV networks na GMA 7, ABS-CBN 2, at TV5.
Ilang bahagi ng kikitain nito ay ipagpatayo ng classrooms sa Emilio Jacinto Elementary School sa Tondo, Manila.
Simula Sept. 1 naman ay ipalalabas ang pelikulang Father Jejemon at Nobody, Nobody But Juan ni Dolphy na mapapanood sa iba’t ibang sinehan ng SM Supermalls, sa bawat weekend hanggang Sept. 16.
Pagbibigay-pugay naman ito ng SM Cinemas na tinawag nilang Remembering Dolphy.
BOOM: Very positive naman si Eric na maging maganda ang resulta ng pagpapa-checkup ni Zsa Zsa Padilla sa Amerika.
Kasama ni Zsa Zsa si Dr. Vicki Belo pero ayaw naman nitong magbigay ng impormasyon tungkol sa resulta ng checkup.
Naikuwento lang ng assistant ni Zsa Zsa na si Nene Atillano na magkakaroon pa ng isa pang checkup sa Aug. 27.
Sabi naman ni Eric: “Of course we are concerned, natural lang ’yun. It’s a normal reaction.
“She is part of the family. She is family. We’re just all hoping na it’s nothing serious,” pahayag ng actor-director.
Huwag na lang magpaka-nega. Inaasahan nila na maganda ang ibabalita sa kanila ni Zsa Zsa pagbalik nito.
- Latest
