Wala makompleto ang abo

CEBU, Philippines -  Finally, napahaluna na gyud ang mga abo ni Tito Douglas Quijano sa may St. Therese Columbary kagahapon sa udto. Gisuwayan ni Congresswoman Lucy Torres nga tapukon ang 20 ka urn nga gihuptan sa pamilya, talents ug suod nga mga higala, apan wala na niya kini makuha tanan. Trese lang ka urn ang napahaluna kagahapon sa columbary, apan paningkamutan gayud matud pa niya nga mahiusa tanan sa pahulayang dayon sa kanhi talent manager. Mitambong sa lubong kagahapon ang mga kanhi talents ni Tito Dougs ang magtiayong Richard Gomez ug Lucy, ug si Jomari Yllana. Present ang kadaghanan sa miyembro sa PAMI nga maoy nag-andam sa misa ug sa paglubong didto sa St. Therese.

Donghae ug Won gikagubtan

Labihan diay ka kusog sa masa ang sikat nga Kpop boy band nga Super Junior. Miabot sa nasud ang duha ka sikat nga miyembro nga sila si Donghae ug si Won para sa launching isip bag-ong endorser sa Bench. Puno kaayo ang tanang floor sa Trinoma para lamang makakita sa duha ka Koreanong singer/dancer. Paggawas niini, nabungol na kami sa kakusog sa shaggit sa mga fans maong wala na maklaro unsay giyawit sa duruha. Misaad si Won nga mubalik sila sa nasud kauban na ang tibuok Super Junior.

Mark ug Ynna kabungkagon?

Nagdumili pagkomento si Mark Herras sa mga pamahayag ni Ynna Asistio nga medyo nahiubos kay wala matud pa sila duawa niini niadtong naapektuhan sila sa pagbaha. Miingon hinuon si Ynna, okay sila ni Mark ug dili matud pa ingon niana ka dako ang isyu para nila. Kanunay matud pa silang nag-istorya ug nag-text, apan dugay na sila nga wala nagkakita gumikan sa hectic nga schedule ni Mark. Busa si Mark nagdumili na pagtubag sa isyu para dili na mudako kay okay man matud pa silang duha ni Ynna. Sol Gorgonio/PSN