Moral support sa ubang artista

Manila, Philippines --- Nagmalampuson ang blood-letting program ni Marian Rivera nga gipahigayon sa Ever Gotesco Commonwealth sa miaging adlaw. Sa dihang giadto kini sa Startalk, pipila sa mga higala niya sa showbiz ang nangabot aron mohatag og entertainment ,kini naglangkob nila ni Rocco Nacino, Betong Sumaya ug ang grupong Down to Mars. Makahuloganon matud pa ang pag-celebrate sa iyang birthday gumikan kay daghan ang nag-donate og dugo. Kagahapon usab giselebrar Marian ang iyang 28th birthday sa Party Pilipinas ug human niini, nideretso dayon siya og simba uban sa iyang pamilya ug Dingdong Dantes.

Vic naukay sa EB Indonesia host

Daghan ang nakugang sa reaksyon ni Vic Sotto sa dihang magpahalok ang host sa Eat Bulaga Indonesia nga si Uya Kuya ngadto kang Pauleen Luna. Suma pa ni Bossing Vic, “there is a saying here, ang kay Pedro, kay Pedro.” Siyempre dili aware si Uya Kuya ang kalabot nila ni Bossing Vic ug Pauleen hinungdan nga nahibulong kini sa dihang gikataw-an sila sa mga tawo. Mikatawa lang si Pauleen sa dihang gipangayoan namo og reaksyon, mitubag lang kini og “ewan ko sa kanya!”

Pauleen nailad sa architect

Nailad diay si Pauleen Luna sa ilang architect hinungdan nga mataud-tauran pa ang pagbalhin niya sa bag-ong balay nga iyang gipahimo. Wala na matud pa nasayod si Pauleen sa mga panghitabo, apan ang Mommy na niya ang nag-asikaso niini. Ang nasayran niya nga matud pa okay na, apan wala na magpakita kanila ang architect. Wala hinuon siya magdali sa pagbalhin gumikan kay labing maayo nga ilaha kini nga masusi pag-ayo ang balay sa dili pa nila kini balhinan. I-career na hinuon pag-ayo ni Pauleen ang pagpanindot sa iyang kuwarto.