Steva's Extra Sweetness

Maayong Domingo kanatong tanan mga Ka Tribung BisChikadora! Mao na ni All Over the World! Hugyaw ang panahon karun, kusog nga uwan dako kaayo ang namugnang kadaot ngadto sa atong mga igsoon didto sa kauluhan. Gani, nagtan-aw ko sa balita dili nako malikayan nga makaluha, apan ang dakong tabang nga atong mahimo karon mao ang pag-ampo nga ang tanan ma-okay na. Para sa atong mga igsuon nga nakasinati og mga pagbaha, ang among pag-ampo naa kaninyo!

Nunot niini, bisan pa man sa panahon karun, bahaon gihapon ko kamo og mga BisChika nga alang lang gyud kaninyo! Niaging semana double treat ang among gipaambit sa mga Kapusong Cebuano tungod sa mga hugyaw nga mga Kapuso events diha sa SM City Consolacion. Unang adlaw Agosto 4, gabaha og mga tigpaluyo ang lima ka Finalists sa DanceFest Throwdown 2012, mahugyaw ko sa mga gipakita nila sa dance floor, halos nakapanawag ko sa ERUF nga present sa maong throwdown kay murag nisaka ang akong dugo sa mga stunts nga ilang gipakita. Maayo na lang nga naa ang mga Kapuso stars nga nagpakilig usab sa mga nisaksi niini, naa sila para mag-judge ug nagpakitang gilas sa ilang performance silang Wynwyn Marquez, Yassi Pressman, Rocco Nacino, Mark Herras ug siyempre ang gwapa nga si Diva Montelaba! Matag performance sa usa ka grupo dunay higayon nga mohatag sa opinyon ang mga Kapuso stars ug mga resident judges. Nakilig ko kay wala ko damha nga nag-judge ang crush nako. Hahahhaha! (kilig mode!), wala ko nagpahalata lang… Sama sa mga indigay sa sayaw kay dunay mananaug ug mao kini ang kumpletong listahan sa mga winners sa DanceFest 2012:

Champion : Crew Attraction B:Boys

1st runner up : Intense Gravity

2nd runner up : Them Sent

3rd runner up : Last level

4th runner up : North Hoodz

Congratulations! manghinaut ko nga magpabilin mong humble bisan pa man sa inyong nakuha nga tropeo!

Pero wala pa nahuman ang baha mga Ka Tribung BisChikadora kay sa ikaduhang adlaw Agosto 5, nihugyaw sa SM City Consolacion kay ang mga bida sa pelikula nga Just One Summer nga silang Diva Montelaba, Steven Silva, Julie Ann San Jose ug Elmo Magalona. Halos dili na magdungog sa sobrang singgit sa mga fans sa atong mga Kapuso stars. Hugyaw ra pud kaayo kay game kaayo sila atubangan sa ilang mga fans. Kining si Diva ug Steven murag onstage ug offstage ang ka sweet sa duha kay nagkuyog pa man ang among team sa dinner sa mga Kapuso stars ug na obserbahan nako ang ilang extra sweetness... hmmm? Gleven Boiser... lampaso usa ang imong beauty pero infairness to Diva iya gyud kang gihimamat ha? Lahi ra gyud na!

Lahi ra gyud usab ang birthday sa akong ever supportive nga friend ug classmate pag high school nga si Victor Reynes kay nagbaha usab og bisita. Gikan sa iyang suod nga mga higala ug mga pinalangga niyang pamilya nga present usab. Na ila-ila nako didto sa birthday ni Victor ang usa ka basketball player sa usa ka University dinhi sa Sugbo nga si Stephen Que. Hugyaw ra ha, 19 years old, mag nose bleed ka kay laking California ug dunay six packs! Love it! Mao nga Victor Reynes more birthdays to come and good health always!