REUNION

CEBU, Philippines - Ambot lang mga Yadzz! Si Sanden Anadia na lang gyod ang pangutan-a’g unsay sunod nga isalida sa Star Cinema after The Healing, kay si SandEn Anadia ra [ug ang usa ka DJ nga suod niyang higala?] gyod ang pinangga sa mga taga ABS-CBN, so siya ra gyo’y sultihan kun unsay sunod. Naa na sila’y echos de plugging para sa movie kono titled, REUNION starring the young stars of Star Magic. Ambot mao na ba kana’y isunod, kay wa ra ba na sa schedule nga gihatag sa Girl Friday ni JSP nga si Mariles Pereyra Cabangon. Matod pang anhing Art Maloy kaniadto, Singit Portion lang kining salidaha, ug wa sa schedule. Well, but anyway. Let’s talk about a REUNION. This is about the reunion of class 74 of Bulacao [Pardo] Community School, meaning, mga pupils kaniadto sa elementary nga mi-graduate sa 1974. Nganong duna koy katungod nga ako ni nga isugilon? Kay nakatambong ko, bisa’g batch ’50 tawon ko sa elementary sa Cebu Normal School. Ngano? Unsaon man, nga gibitbit man ko ni Dulce, nga member sa maong batch. Pero bisa’g dili ko member, nalipay baya pod tong mga members nga nakatambong ko, kay kono, HONORED sila, nga duna gyo’y taga Banat News nga present. After all, aside from Dulce, nakatambong pod si Bobstel Bacalso, bisa’g dili pod nila ka-batch. Ngano? Kay siya may tag-iya sa sound system nga gigamit. Pero siempre, dili lang si Dulce ang nalipay nga diha si Bobstel, kay gawas nga true blooded nga taga Bulacao, ug naka-study sa Bulacao Community School, nephew pa nilang Dulce ug Sauny Bacalso Lisondra Hope. In fact, si Sauny, bisa’g married to an American Indian from Alabama, USA, ug tua na magpuyo, maoy nag-organize sa REUNION, thru Facebook. Namasin lang kono siya, ug Praise God, grabe ang Response, kay nagka istoryahanay gyod sila sa Facebook. Maayo ang facebook, kun gamiton sa minaayo. Pwerteng daghanang nanambong from all parts of the world.