JuliElmo nabuntagan

Manila, Philippines --- Nabuntagan sila si Julieanne San Jose ug Elmo Magalona sa dubbing room sa Sampaguita Studios kay naabtan sila sa pagbaha. Adtong Lunes sa gabii matud pa sila nag-dub para sa Just One Summer pero gipaabot ni Elmo nga mahuman si Julieanne busa wala usa kini mipauli. Pero dihang mibunok na ang uwan ug gipahibawo na sila nga daghang mga dapit ang nabahaan, mi-istar na lang sila didto, ug didto na nangatulog. Sa dubbing room natulog si Julieanne kauban ang Daddy ug si Elmo sa gawas.

Marian mitabang sa Red Cross

Ugma pa ang birthday ni Marian Rivera pero saulogon na niya kini karong adlawa didto sa Ever-Gotesco Commonwealth kauban ang Philippine National Red Cross. Magpahigayon og blood-letting project sila didto diin si Marian mismo ang midapit sa iyang mga higala sa showbiz nga musalmot ug mag-donate og dugo kung puwede sila. Ganahan unta si Marian mu-donate og dugo pero dili matud pa siya puwede busa mga higala na lang niya ang iyang giaghat nga mutabang.

Zsa Zsa in denial pa

Giklaro ni Zsazsa Padilla ang tsika nga na-pack-up matud pa ang taping sa Dolphy Special sa ABS-CBN 2 kay labihan matud pa niya ka emotional ug nagpunay siya og hilak dihang nag-spiels na siya. Suma pa ni Zsazsa, ang nasayran niya, humana ang taping sa wala pa siya mibiya. Tinuod matud pa nga emotional siya samtang nagtan-aw sa iyang anak nga si Zia samtang nagkanta. Aminado siyang naa pa siya sa denial period busa kanunay matud pa siyang kuyugan ni Zia kay kanunay siya nga magul-anon. Sa Amerika si Zsazsa sa 40th day ng kamatayan ni Dolphy, pero hahabol naman daw siya rito sa showing ng pelikula nitong I Do Bidoo Bidoo. Sol Gorgonio/PSN