Heart walay choice

Manila, Philippines --- How ironic nga si Heart Evangelista pa ang nag-intro sa video ni Marian Rivera nga mitabang pagpang-apod-apod og relief goods sa biktima sa baha last Wednesday sa Chika Minute sa 24 Oras, huh! Eh, wala man siya’y choice sanglit siya maoy host   sa segment nga temporaryong gibiyaan ni Pia Guanio, huh! Until now, after more than a year, wala pay closure ang away sa duruha nga nahitabo samtang gihimo nila ang Temptation Island.

Nagkasugat man sila sa studio sa Party Pilipinas, wala gihapoy maayong ending ang duruha. At least, wala mureklamo si Heart nga hatagan og introduction ug litukon niini ang name ni Marian sa iyang spiels, huh!

Dili tawon ni pictorial uy

Gipahimangnoan ni Julius Babao on air ang mga tawong gitabangan sa mga artista nga nanghatag og relief goods. May mga biktima man gud sa baha nga nagpa-picture sa mga artistang mibisita sa ilang mga lugar nga kasagaran walay make-up!

Dili gyud malikayan nga malipay ang mga tawo nga makakita og artista, ila pud unta nga hunahunaon nga dili shooting, taping, pictorial o meet and greet tuyo sa mga artista. Malipay na lang sila nga migahin og oras kining maong mga artista, dili aron magpasikat, kun dili aron makatabang.

Gov. Vi napugos

Instrumento ang bag-ohay pa lang nga grabeng pag-uwan ug pagbaha aron ipahibawo na ni Governor Vilma Santos-Recto ang iyang Twitter account nga @vsantosrecto. Gibutyag pud kini sa anak niyang si Luis Manzano nga mao kini ang tinuod nga account sa iyang mama ug sa city government sa Batangas.

Pinaagi sa account ni Gov. Vilma, gisundan siya sa iyang mga constituents sa Batangas aron masayran ang mga panghitabo sa lalawigan, ingon man mga announcements sa actress-politician. In fairness, midaghan dayon ang followers ni Gov. Vilma, huh! Sa wala pay uwan ug baha, may Twitter account na si Ate Vi. Nagdumili siya pagbutyag niini sa publiko apan may mga gisunod na siya nga showbiz tweets. Jun Nardo/PSN

Makakat-on gyud

Tinuod ang tsismis nga artistahin ang mga nalakip sa Artista Academy sa TV5 pero dili magpa-iwit ang mga contestant sa Protege sa GMA 7. Masuwerte ang mga Protege contestant sanglit giatiman sila og maayo sa ilang mga mentor nga artista. Nanay ang tawag nila kang Gina Alajar ug si Phillip Salvador ang ilang tatay-tatayan. Parehong mga protege ni Lino Brocka sila si Gina ug Ipe busa mapaambitan nila ngadto sa ilang mga protégé ang ilang nakat-onan gikan sa banggitang direktor kaniadto. Lolit Solis/PSN/PM