ABS-CBN Sagip Kapamilya, tumatanggap na ng mga donasyon

MANILA, Philippines - Nangangalap na ang ABS-CBN Foundation, sa pamamagitan ng Sagip Kapamilya sa mga tulong o donasyon para sa mga nasalanta ng ulan at baha sa Metro Manila at kalapit probinsya nito.

Para sa in-kind donations tulad ng bigas, de-lata, biskwit, kape, asukal, tubig, damit, kumot, banig, at gamot,  maaari itong dalhin sa ABS-CBN Foundation-Sagip Kapamilya Warehouse sa #137 Mother Ignacia Ave. corner Eugenio Lopez Drive, Diliman, Quezon City.

Para naman sa cash donations, ang mga nais tumulong ay maaaring magdeposito sa Banco de Oro (BDO) sa ilalim ng account name na ‘ABS-CBN Foundation Inc.-Sagip Kapamilya’ na may account number na 393-011-4199.

Para sa international cash donations, ang BDO dollar account number ng Sagip Kapamilya ay 393-008-1622 na may ‘swift code’ na BNORPHMM

Maaari ring magdeposito ng donasyon sa pamamagitan ng PNB at BPI na kapwa may account name rin na ABS-CBN Foundation Inc.-Sagip Kapamilya.

Ang account number sa PNB ay 419-539-5000-13; samantalang sa BPI (West Triangle, Quezon City Branch), 3051-1127-75. Ang BPI Dollar Account ay

nakapangalan din sa ABS-CBN Foundation Inc.-Sagip Kapamilya at may account number na 3054-0270-35.

Para sa karagdagang balita tungkol sa latest relief operations ng ABS-CBN Sagip Kapamilya manatiling nakatutok sa ANC (SkyCable Ch 27);

DZMM TeleRadyo (SkyCable Ch 26); DZMM Radyo Patrol 630 sa AM radio; at sa http://www.abs-cbnNEWS.com.

Kwentong trobol ng limang bopol nasa video na

Sinundan agad ng box-office hit director na si Wenn Deramas ang kanyang Highest Grossing Filipino Film of All Time na The Unkabogable Praybeyt Benjamin ng isa pang blockbuster comedy na Moron 5 and The Crying Lady. Sa ikatlong linggo nito noong Abril, umakyat ito sa #2 spot ng listahan ng 2012 Highest Grossing Pinoy Films. Ngayon, ang pelikulang ito ay mapapanood na sa video. 

Pinagbibidahan nina Luis Manzano, Billy Crawford, DJ Durano, Martin Escudero, Marvin Agustin, at John Lapus, ito ay kuwento ng limang magkakaibigan na napahamak dahil sa kanilang kamangmangan. Ang barkadang sina Albert (Manzano), Isaac (Crawford), Mozart “Mo” (Durano), Michaelangelo “Mike” (Escudero) at Aristotle “Aris” (Agustin) ay pinagbintangan ng isang Becky Pamintuan (Lapus) na pumatay sa kanyang ama. Dahil sa hindi maipagtanggol ang kanilang sarili, nakulong ang lima. Ganunpaman, nakahanap sila ng paraan para makatakas matapos ang maraming beses na pagkabigo. Sa paghahanap nila kay Becky para malaman kung bakit ba galit ito sa kanila, mas marami pa silang nakakalokang sikretong madidiskubre tungkol dito. 

Punta na sa inyong paboritong video store at bili na ng Moron 5 and the Crying Lady, sa hala­gang P299 sa VCD at P600 para sa DVD. 

Elize nakuha na ni Ellen

Pasado si Tisoy (Alden Richards) sa kanyang kinuhang acceleration test! Agad niyang dadalhin ang resulta nito kay Elize (Louise delos Reyes), pero bago pa man siya makalapit sa dalaga, mahaharang na siya nina Carlos (Raymond Bagatsing) at Marla (Winwyn Marquez).

Ipapahiya ni Carlos si Tisoy at pagsasabihan na hindi rason ang acceleration test para makapagkita sila ni Elize.

Malalaman naman ni Elize ang ginawa ng ama, matapos itong ikuwento ni Marla sa kanya. Sa galit, tatakas si Elize at pupuntahan si Tisoy.

Pagagaanin naman nina Tilda (Caridad Sanchez), Douglas (Benjie Paras), at Mavic (Rita Iringan) ang loob ni Tisoy. Iko-congratulate nila ito sa nagawang achievement. Kahit namaliit ni Carlos, magagawa ni Tisoy na maging masaya.

Pupunta naman si Elize kay Ellen (Jean Garcia) matapos kagalitan ng ama. Ikukuwento ni Elize na naglayas siya sa kanila at pinili niyang sa ina na lang tumira. Matutuwa si Ellen, pero agad namang masusundan ni Leila (Agot Isidro) si Elize.

Pipiliin ni Elize ang bagong kilalang ina na si Ellen, at tatalikuran ang kina­lakihang ina na si Leila!

Pero hindi pa tapos ang mga Samonte sa kanilang paghikayat kay Elize na bumalik sa kanila. Dahil si Carlos (Raymond Bagatsing) naman ang susunod na lalapit sa anak.

Samantala, magkikita naman sina Elize at Tisoy sa bago nitong pinapasukan sa isang construction site. Makikita ni Elize ang mga bagong hirap na haharapin ng minamahal, kaya naman makikipagkasunduan ito sa kaniyang ama: willing siyang bumalik sa bahay nila—kapalit ng pagtulong ni Carlos kay Tisoy.

Sa construction site, sunud-sunod na problema ang haharapin ni Tisoy—na aabot pa sa isang aksidenteng maglalagay sa kanya sa panganib.

At kung hindi pa tapos ang mga pagsubok sa buhay niya, pupuntahan pa siya ni Carlos sa construction site. Handa na ba si Tisoy sa kung ano ang sasabihin ni Carlos? Susundin na nga ba nito ang hinihiling ng anak para mapauwi ito? 

Panalo na nga ba si Ellen ngayong nasa poder na niya si Elize? O nagsisimula pa lang rin ba ang laban nilang dating magkasintahan?

Panoorin sa One Tru Love ng GMA 7.