Walay puas ang uwan

MANILA, Philippines - Sayup ang pagtuo nga natapos na kagahapon ang nameless nga habagat gumikan kay kusog gihapon kaayo ang uwan. Mibalik ang kahadlok sa mga tawo nga mibiya sa ilang mga panimalay nga gibaha apan namalik human nila nakita nga medyo arang-arang na ang panahon. Kusog ang ulan kagahapon with matching dugdog ug kilat pero wala kini nahimong babag para ihunong sa mga Pilipino ang pagtinabangay ug panaghiusa. Kung mibaha ang tubig sa daghang mga lugar sa Metro Manila ug Luzon, mibaha pud ang mga donasyon gikan sa mga tawo nga may bulawanong kasingkasing.

Wala na lay uwaw-uwaw

Nanghangyo og tabang si Alfred ngadto sa mga kababayan nato nga may golden heart gumikan kay kinahanglanon kaayo nila ang pagkaon ug tubig para sa iyang mga constituents sa District 2 sa Quezon City. Mi-awas adtong Martes ang Tullahan river ug naapektuhan niini ang mga barangay nga naa sa distrito ni Alfred. Daghang pamilya ang mibiya sa ilang mga panimalay ug naa sa mga school. Kung nakakita mo sa TV ang mga balay nga na-unlod sa baha, tipik niini ang distrito ni Alfred. Mauwawon si Alfred ug kutob sa mahimo, dili siya buot nga mangayo og pabor sa ubang tawo, pero kagahapon gitulon niya ang ilang uwaw, tungod ug alang sa iyang mga kabarangay. Nag-text brigade si Alfred sa iyang mga higala nga iyang gituohang makatabang sa iyang mga constituents. Nia ang text message nga gipadala ni Alfred : Guys, we definitely need your help. We need more relief goods such as canned goods, rice, noodles, clothes, sugar, coffee, milk, medicine, etc. " Maybe you can help us? Our district is where Tullahan River is. As of now 20,000 families have been evacuated and all of them need food and clothing. If you have any donation just let me know. Full relief operations are being conducted 24/7 here at our HQ in QC." Sa mga buot mutabang, puwedeng ipadala ang inyong mga donasyon sa headquarters ni Alfred sa AV Relief Operations Center, 42 Don Jose St Don Antonio Heights, Barangay Holy Spirit, Quezon City.

Kanselado ang presscon

Maayo gani kay kanselado kagahapon ang mga presscon or else, stranded ang mga reporter. Sa Morato Avenue ang venue sa presscon pero gamay lang pag-uwan, magbaha dayon sa Morato, Timog, Mother Ignacia ug Panay Avenues. Over acting ang baha kay dili maagian sa mga sakyanan ang mga nahisgutang lugar nga kaniadto dili mabahaan.