Shine Lukas, Shine!

Name: Lukas Enrique Suarez Magallano

Nickname: Luki

Age: 7

Date of Birth: June 20, 2005

Place of Birth: Cebu city

Nationality: Filipino

Talent/: singing, hosting, acting and dancing

Hobbies: drawing, playing bowling and football

Favorite song: Billionaire

Favorite singer: Justin Bieber

Favorite cartoon characters: Bob in cha-ching and spongebob

Mother: Ma. Cristina Mondoñedo Suarez                  Occupation: Unit Manager (Pru Life UK)

Father: Lluther Michael Roz Magallano                     Occupation: Financial advisor, ( Pru Life UK)

    Ang garbo sa siyudad sa Sugbo nga taga Barangay Mabolo nga si Lukas Enrique Suarez Magallano gayud maoy grand winner sa The Promil I-Shine Talent Camp.

Si Lukas naila nga "Acoustic Kid ng Cebu" gumikan sa hugyaw niya nga talento sa pagkanta kung diin maglisod og pamilok ang mga tawo nga motan-aw sa iyang performance.

" I would like to thank you all for supporting me, especially the people of Cebu, Bohol, Tacloban and all parts of the Philippines. May you continue to be with me in my future endeavors," matud pa ni Lukas.

Si Lukas maoy bugtong finalist sa I-Shine nga naggikan sa Visayas ug todo ang gibuhat niini nga sakripisyo aron lang gayud malangkat ang titulo.

May 12 ka finalists ang nagtigi sa grandfinals sa miaging semana ug giingong hinas-hasan na kini gikan sa 50 ka semi-finalists sa maong show. Gani si Lukas lang ang walay experience sa mga contest itandi sa mga kaubanan niya nga finalists nga nakasalmot na og bisan unsa nga kompetisyon nga pangbata.

Sa unang bahin sa maong kompetisyon, wala gyud mo-give up si Lukas sa sagunson nila nga mga workshops gumikan kay interesado gyud kini nga mabaid ang iyang mga potensyal nga mamahimong sikat nga bituon sa showbiz.

Gumikan sa iyang nadaug, padayon nga ipakita ni Lukas sa ubang bata ang maayong kalidad sa anak ug dili magpadlong sa iyang mga ginikanan. Matud pa ni Lukas nga ang tanang gibuhat sa mga ginikanan kay aron lang gyud sa kaayohan sa ilang anak busa angayan sila nga tahuron kanunay.

Samtang ang amahan ni Lukas nga si Luther misaysay dinhi sa Banat News Hugyaw kung giunsa niya pagdiskubre ug sa iyang asawa nga si Cristina ang talent sa ilang anak.

"We did a road trip from Cebu to Tacloban and back with the same cd playing in our car stereo when he was still 3. I was surprised to hear him sing along with some of the songs on our trip back to Cebu," matud pa ni Luther.

Suma pa ni Luther nga kanunay gyud nila nga gimonitor sa iyang asawa ang matag performance ni Lukas sukad sa pag-apil niini sa I-Shine ug mao kini ang dakong kontribusyon nga ilang nahatag sa ilang anak hinungdan nga nakadaug kini sa maong kompetisyon.

" From the start, we made Lukas understand that his mom, himself and I kay usa ka team nga we should work together to win and never quit during workshops. We videotaped everything so we can review and perfect what's being taught. Our last words before he goes up to the stage has always been, "have fun my boy!," matud pa ni Luther.

Matud pa niya nga ang kinaiya ni Lukas resulta sa saktong pamaagi sa pagpadako nila niini.

There's no secret in great parenting actually. You just simply have to copy the good ones that you learned from your parents and the world around you. And try your best not to do the not so nice ones. What's crucial with parenting is on how parents work hand in hand. My wife and I have to dance to the same tune so as not to confuse our kid and we practice openness. All parents should keep an open line to their children, all the time," matud pa ni Luther. Bukas na si Luther nga mosulod sa showbiz ang iyang anak ug giingong adunay gikatakda nga pagtigom si Lukas ugma kauban ang haligi sa Star Magic nga si Johnny Manahan.

Nahimamat na pud katigom na pud ni Lukas ang mga kadagkuan sa ABS-CBN ug milugwa usab siya gahapon sa programang ASAP 2012.

Hinabion usab si Lukas ni Korina Sanchez sa programa niini sa dzMM karong adlawa.

Nagkanayon si Luther nga kung dunay mga maayong opurtunidad sa showbiz, ilaha gyud kining dawaton sanglit usa kini ka pamaagi nga maipakita sa katawhan ang talento ni Lukas. (BANAT NEWS)